રામાપીર ચોકડી સ્થિત ઓમ પેટ્રોલીયમના ગોપાલભાઈ ચુડાસમાએ ૮ હજારથી પણ વધુ રીક્ષામાં મફત ગેસ પૂરી આપી ભાજપની જીતની અનોખી ખુશી વ્યકત કરી
દેશમાં ઠેર ઠેર ભારતીય જનતાપાર્ટીની જીતની ઉજવણી કરવામાં આવી રહી છે ત્યારે રાજકોટમાં ભારતીય જનતાપાર્ટીની જીતની ઉજવણી અનોખી રીતે કરવામાં આવી. જેમાં રાજકોટના ૧૫૦ ફૂટ રીંગરોડ પર રામાપીર ચોકડી પાસે આવેલા ‘ઓમ પેટ્રોલ પંપ’માં પંપના માલીક ગોપાલભાઈ ચુડાસમાએ તમામ રીક્ષા ચાલકોને મફતમાં ગેસ પુરી આપ્યો હતો અને રાત્રીનાં અગીયાર વાગ્યા સુધી તમામ રીક્ષા ચાલકોએ લાભ લીધો હતો.
જેમાં આશરે ૮ હજાર રીક્ષા ચાલકોને મફતમાં ગેસનો લાભ મળ્યો હતો.જેમાં ઓમ પેટ્રોલીયમનાં ગોપાલભાઈ ચુડાસમાં એ જણાવ્યું હતુ કે ભાજપ સરકાર જયારે બહુમતથી ચૂટાણી છે ત્યારે લોકોએ સરકાર ઉપર સંપૂર્ણ ભરોસો મૂકયો છે. અને ગત ૫ વર્ષમાં મોદી સરકાર લોકોના કામ કરવામાં સફળ રહી છે. અને આવનારા સમયમાં હજુ લોકોનાં સારા કાર્યો કરશે તેમ જણાવ્યું હતુ.
