કલોલ તાલુકામાં છત્રાલ જીઆઇડીસીમાં આવેલી એક્સિસ બેંકમાં લૂંટનો બનાવ બન્યો છે. બાઈક પર આવેલા ત્રણ શખ્સ ફાયરિંગ કરી લૂંટ ચલાવી ફરાર થઈ ગયા છે. અંદાજે એક કરોડ રૂપિયાની લૂંટ કરવામાં આવી હોવાની શક્યતા છે. ફાયરિંગમાં બેન્કના કર્મચારીને પગમાં ગોળી વાગતા સારવાર માટે હોસ્પિટલમાં ખસેડવામાં આવ્યો છે.
ઘટનાને પગલે કલોલ તાલુકા પોલીસ અને ડીવાયએસપી સહિતનો પોલીસ કાફલો બેન્ક પર પહોંચી ગયો છે. પોલીસે બેંક સીસીટીવી ફુટેજની તપાસ શરૂ કરી છે. જિલ્લામાં નાકાબંધી કરી લૂંટારુઓને પકડવા ચક્રો ગતિમાન કર્યા છે.
