ગાંધીધામ : ગાંજાના જથ્થા સાથે એક ઇસમ ઝડપાયો

• ગેરકાયદેસર નશીલા પદાર્થ ગાંજાના જથ્થા સાથે એક ઇસમ ઝડપાયો 
•  કાર્ગો પી.એસ.એલ.માંથી 1 કિલો 80 ગ્રામ ગાંજા પકડાયો 

ગાંધીધામ ન્યૂઝ : ગાંધીધામ બી-ડીવીઝન પોલીસે શહેરના કાર્ગો પી.એસ.એલ.માંથી 1 કિલો 80 ગ્રામ ગાંજા સાથે શખ્સને શખ્સને ઝડપી પાડ્યો છે. બી-ડીવીઝન પોલીસ સ્ટાફને બાતમી મળી હતી કે કાર્ગો પી.એસ.એલ ગલી નં.3માં રહેતો આકાશ છોટેલાલ પાસવાન પોતાનાં મકાનમાં ગાંજો રાખી વેચાણ કરે છે જે બાતમીનાં આધારે દરોડો પાડી 1 કિલો 80 ગ્રામ ગાંજા ગાંજાના જથ્થા સાથે આરોપી આકાશ છોટેલાલ પાસવાન (ઉ.વ.18)ને ઝડપી લીધો હતો. આ ગાંજાનો જથ્થો ક્યાંથી અને કોના પાસેથી લાવ્યો હોવા અંગે આરોપીની પુછપરછ કરતાં તેણે આ ગાંજો કાર્ગો ઝુપડામાં રહેતો સુરજ પાસવાન આપી ગયેલ હોવાનું જણાવતા પોલીસે તેનાં વિરૂધ્ધ ગુનો નોંધી આગળની તપાસ હાથ ધરી હતી.

આ દરોડામાં 10,800ની કિંમતનો ગાંજો, વજન કાંટો, મોબાઈલ ફોન નંગ 1 સહિત કુલ 13,300નો મુદામાલ કબ્જે કરાયો હતો.
આ સફળ કામગીરી ગાંધીધામ બી ડીવીઝન પોલીસ સ્ટેશનના પોલીસ ઇન્સપેકટર એમ.ડી.ચૌધરી તથા પો.સબ ઇન્સ. બી.બી.રાણા તથા સર્વેલન્સ સ્ટાફના પોલીસ કર્મચારીઓ દ્વારા કરવામા આવેલ છે.

ભારતી માખીજાણી