ધાર જંગલ વિસ્તારમાંથી સેના અને સીઆરપી એફની ટુકડીએ આતંકીઓની કરી ધરપકડ
અબતક, શ્રીનગર
જમ્મુ અને કાશ્મીરના કિશ્તવાડ જિલ્લામાં ગુરુવારે મોડી રાત્રે હિઝબુલ મુજાહિદ્દીનના ચાર આતંકવાદીઓની શસ્ત્રો અને દારૂગોળા સાથે ધરપકડ કરવામાં આવી છે. સૈન્યની 17આરઆર, સીઆરપીએફની 52 બટાલિયન અને કિશ્તવાડ પોલીસની સંયુક્ત ટીમે કિશ્તવાડના દૂલ ધાર જંગલ વિસ્તારમાં લાંબા અંતરની પેટ્રોલિંગ પર ચાર લોકોને ડૂલથી દૂલ ધાર જંગલ તરફ જતા જોયા હતા. સુરક્ષા દળોને જોઈને ચારેયએ ભાગી જવાનો પ્રયાસ કર્યો પરંતુ સૈનિકોએ તેઓને દબાવી દીધા અને ધરપકડ કરી.
ચારની જડતી કરતી વખતે, પોલીસે તેમના કબજામાંથી બે યુબીજીએલ ગ્રેનેડ, 120 જીવંત એકે-47 રાઉન્ડ, બે ખાલી એકે-47 મેગેઝિન અને એક હિઝબુલ પોસ્ટર કબજે કર્યા છે તેવું એક પોલીસ અધિકારીએ જણાવ્યું હતું કે, આ સંબંધમાં સંબંધિત કલમો હેઠળ કેસ નોંધવામાં આવ્યો હતો. કાયદાકીય તપાસ શરૂ કરવામાં આવી હતી.
