ઓટીએના 55 વર્ષના ઈતિહાસમાં પહેલી વખત બે મહિલા કેડેટને સર્વોચ્ચ સન્માન મળ્યું

ઓફિસર ટ્રેનિંગ એકેડમીમાં શનિવારે પાર્સિગ આઉટ પરેડ થઈ હતી. આ વખતે 255 કેડેટ ઓફિસર બન્યાં. જેમાં 37 મહિલાઓ છે. ખાસ વાત એ છે કે ઓટીએના 55 વર્ષના ઈતિહાસમાં પહેલી વખત બે મહિલા કેડેટને સર્વોચ્ચ સન્માન મળ્યું. કેડેટ પ્રીતિને ‘સોર્ડ ઓફ ઓનર’ અને વ્રીતિને સિલ્વર મેડલથી નવાજવામાં આવ્યાં. આ બંને મહિલા ઓફિસર હરિયાણાની છે. તેઓએ 250થી વધુ કેડેટને પછાડીને એકેડમીમાં સૌથી પ્રતિષ્ઠિત સન્માન હાંસલ કર્યું હતું. સાથે જ 22 વિદેશી કેડેટ પણ પાસ આઉટ થયાં છે.