અમદાવાદમાં આજથી ફલાવર શો નો પ્રારંભ…હવે મુલાકાતીઓએ ચૂકવવાની રહેશે આટલી એન્ટ્રી ફી

અમદાવાદ શહેર કોર્પોરેશન દ્વારા આયોજિત ફલાવર શો આજરોજ (બુધવાર) મુખ્યમંત્રી વિજયભાઈ રૂપાણી લોકો માટે ખુલ્લો મૂકશે.

પહેલી વખત ફલાવર શો ની મુલાકાત લેનારા લોકોને 10 રૂપિયા એન્ટ્રી ફી આપવી પડશે.

આ ફલાવર શો એલિસબ્રિજથી સરદારબ્રિજ વચ્ચેના 1.8 કિલોમીટરના 1.28 લાખ સ્કેવર મીટર એરીયામાં 7.50 લાખ રોપાનું પ્રદર્શન કરાયું છે.

ફલાવર શો 2019 નો આજથી પ્રારંભ થવાનો છે જે 22 જાન્યુઆરી સુધી ચાલુ રહેશે. દસ દિવસ ચાલનાર આ ફલાવર શોમાં અંદાજે પંદર લાખથી પણ વધુ લોકો આ ફલાવર શોની મુલાકાત લેશે.