કચ્છમાંથી બહોળી સંખ્યામાં જ્ઞાતિજનો હાજર રહ્યા
ભુજ ખાતે અખિલ ક્ચ્છ મોચી જ્ઞાતિ દ્વારા જીવનસાથી પસંદગી મેળાનું આયોજન પ્રથમવાર કરવામાં આવ્યું હતું.રાજ્યમાં પણ પ્રથમ વખત કહી શકાય તેમ ટેકનોલોજીનો ઉપયોગ કરીને પ્રોજેક્ટર ની મદદથી ડિજિટલ પસંદગી મેળો અહીં યોજવામાં આવ્યો હતો.સમાજના પરણવાયોગ્ય યુવક – યુવતીઓએ આ પસંદગી સંમેલનમાં ભાગ લઈ પોતાના જીવનસાથીને પસંદ કરવાની તક મેળવી હતી.આ જીવનસાથી પસંદગી સંમેલનમાં ૧૨૦ થી વધુ યુવક – યુવતીઓએ ભાગ લીધો હતો.દરમિયાન કચ્છમાં વસતા જ્ઞાતિજનો માટે એક સંકલિત યાદી તૈયાર કરીને પુસ્તિકાનું વિમોચન કરવામાં આવ્યું હતું.કચ્છમાં આ પ્રકારે પ્રથમ આયોજન કરાયું છે.આવનારા સમયમાં સમાજની ક્રિકેટ ટુર્નામેન્ટ અને અન્ય વિવિધ કાર્યક્રમો કરવાની તતપરતા સમાજના પ્રમુખ ચંદ્રકાન્ત ભાઈએ દાખવી હતી
એ તકે વિવિધ તાલુકા – જિલ્લા માંથી આવેલા સમાજના અગ્રણીઓ અને હોદ્દેદારોનું સમ્માન કરાયું હતું આ તકે કચ્છભર માંથી બહોળી સંખ્યામાં જ્ઞાતિજનો હાજર રહ્યા હતા
