- મેઘપર નજીક નાલા પાસે જાહેરમાં ફિલ્મી ઢબે 7 લાખની લૂંટ
- બે બાઈકસવાર ડીકીમાંથી રોકડાં લૂંટી થયા ફરાર
- બેન્સાના માલિક વીરેન્દ્રકુમાર ઉર્ફે લાલો કેસરાણીએ અજાણ્યા આરોપી વિરુદ્ધ ગુન્હો નોંધાવ્યો
- સમગ્ર બનાવને ગંભીરતાથી લઈ અંજાર પોલીસે તપાસ હાથ ધરી
અંજાર તાલુકાના મેઘપર બોરીચી નજીક એક્ટિવાચાલકને રોકીને બાઈકસવાર ઉપર આવેલા બે અજાણ્યા શખ્સે રોકડા રૂા. સાત લાખની લૂંટ ચલાવીને ફરાર થયા હતા. આ બનાવને લઈને પોલીસ બેડામાં દોડધામ મચી હતી. તેમજ આ અંગે બેન્સાના માલિક વીરેન્દ્રકુમાર ઉર્ફે લાલો શામજી કેસરાણીએ અજાણ્યા આરોપી વિરુદ્ધ અંજાર પોલીસ મથકે ગુનો નોંધાવ્યો હતો. આ અંગે અંજાર PI એ.એન. ગોહિલ વધુ તપાસ હાથ ધરી છે.
અંજાર તાલુકાના મેઘપર બોરીચી નજીક એક્ટિવાચાલકને રોકીને મોટરસાઈકલ ઉપર આવેલા બે અજાણ્યા શખ્સે રોકડા રૂા. સાત લાખની લૂંટ ચલાવીને પલાયન થયા હતા. આ બનાવને લઈને પોલીસબેડામાં દોડધામ મચી હતી. અંજારથી મેઘપર બોરીચી તરફ જતા રસ્તા ઉપર રેલવે પુલિયા પાસે ગત સાંજના અરસામાં આ લૂંટનો બનાવ બન્યો હતો. આ અંગે બેન્સાના માલિક વીરેન્દ્રકુમાર ઉર્ફે લાલો શામજી કેસરાણીએ અજાણ્યા આરોપી વિરુદ્ધ અંજાર પોલીસ મથકે ગુનો નોંધાવ્યો હતો.ફરિયાદમાં જણાવ્યા મુજબ ફરિયાદીએ વ્યાપારિક વ્યવહાર માટે પોતાને ત્યાં કામ કરતા પ્રવીણભાઈ મેર (ઉ.વ. 27)ને ચેક આપી અંજારમાં માનવ હોટેલ પાસે આવેલી ઈન્ડસઈન્ડ બેંકમાંથી રોકડ રકમ ઉપાડવા મોકલ્યા હતા.
આ યુવાને બેંકમાંથી રોકડા રૂા. 10 લાખ ઉપાડયા હતા. બેન્સામાં કામ કરતો યુવાન એક્ટિવા વાહન લઈને બેંકમાંથી રોકડ ઉપાડીને બેન્સામાં પરત જવા નીકળ્યો હતો. દરમ્યાન મેઘપર બોરીચી પાસે આવેલા રેલવે પુલિયા પાસે બે અજાણ્યા શખ્સે ચાલુ વાહનને રોકી રોકડ લઈને જતા યુવાનને આંતરી લાત મારી તેને ફગાવી દીધો હતો. જમીન ઉપર પડેલા આ યુવાનને લાત મારીને લૂંટારુઓએ એક્ટિવા વાહનની ડિકી ખોલી તેમાંથી રોકડા રૂા. સાત લાખ લઈને પલાયન થયા હતા. ભોગ બનનારા યુવાનના ખિસ્સામાં પડેલા રૂા. ત્રણ લાખ સુરક્ષિત રહ્યા હતા.આ અંગે વધુ તપાસ અંજાર પી.આઈ. એ.એન. ગોહિલ ચલાવી રહ્યા છે. લૂંટ આચરનારા આરોપીઓ પોલીસના હાથ વેતમાં હોવાનું સૂત્રોએ જણાવ્યું છે
અહેવાલ: ભારતી માખીજાણી
