- રાજકીય પાર્ટીઓએ ટેકસ ચોરીની સાથે એકાઉન્ટમાં કરી છે ગરબડ : કોઇએ પાન તો કોઇએ બેંક એકાઉન્ટની વિગતો અધૂરી રાખી છે.
- ચુંટણી ફંડ કયાંથી મળ્યું ?કેટલો ખર્ચ થયો તેની માહિતી આપી નથી
દેશને નુકસાન પહોંચાડતી 2174થી વધુ “પાટિયા” પાર્ટીઓના પાટિયા ઉતારવા ચૂંટણી પંચ હરકતમાં આવ્યું છે. આ રાજકિય પાર્ટીઓએ ટેકસ ચોરી અને એકાઉન્ટમાં ગરબડ કરી હોય કોઇએ પાન તો કોઇએ બેંક એકાઉન્ટની વિગતો અધૂરી રાખી છે.ચુંટણી ફંડ કયાંથી મળ્યું ?કેટલો ખર્ચ થયો તેની માહિતી આપી નથી માટે ચૂંટણી પંચ તેની સામે કાર્યવાહી કરવા તૈયારી આદરી રહી છે.
લોકશાહી દેશમાં બહુપક્ષીય રાજકારણ હોય છે જ આથી સેંકડો રાજકિય પક્ષો ચુંટણીમાં ઝંપલાવતા હોય છે. ભારતમાં નાના મોટા 2174 જેટલા રાજકિય પક્ષો એવા છે તેમના પર ટેકસ ચોરી અને હિસાબો રજૂ હી કર્યા હોવાનું ચુંટણી પંચ દ્વારા જણાવવામાં આવ્યું છે. આ એવા પક્ષો છે જે નિયમ અનુસાર વાર્ષિક ઓડિટ પણ કરાવી શકયા નથી. કેટલાક તો ચુંટણીમાં કેટલો ખર્ચ કર્યો તેની માહિતી આપવાની પણ તસ્દી લીધી નથી.
ભારતીય ચુંટણી પંચે આર પી અધિનિયમ 1951 કલમ 29એ અને 29 સી હેઠળ નિયમો નહી પાડનારી 2100 જેટલી રજીસ્ટર થયેલા રાજકિય પક્ષો પર કાર્યવાહી કરવાનું નકકી કર્યુ છે. એક માહિતી મુજબ રાજકિય પક્ષોએ વિધાનસભા ચુંટણી પુરી થાય એ પછી 75 દિવસ અને લોકસભા ચુંટણી પુરી થાય એ પછી 90 દિવસમાં ખર્ચની વિગત આપવી ફરજીયાત છે.
કુલ પક્ષોમાંથી 2056 તો એવા છે જેમણે વાર્ષિક ઓડિટ એકાઉન્ટની વિગતો ભરી નથી. કોઇએ પાન તો કોઇએ બેંક એકાઉન્ટની વિગતો અધૂરી રાખી છે. ઘણા પક્ષોએ તો ચુંટણી ફંડ કયાંથી મળ્યું ? કેટલો ખર્ચ થયો એ અંગે કોઇ જ માહિતી આપી નથી. ચુંટણી ખર્ચની વિગતો ના દર્શાવી હોય તેવા 100 પક્ષોની યાદી બહાર પાડવામાં આવી છે.ચુંટણી નિયમો નહી પાડનારા રાજકિય પક્ષોની માન્યતા ચુંટણી પંચ રદ્ કરી શકે છે.
