ઈડર: વિજયનગર રેન્જમાં વન્ય પ્રાણીઓ માટે પાણીના પોઈન્ટ બનાવાયા

રોજ દોઢસોથી વધુ રીંછ, દીપડા, નિલગાયો, ભૂંડ ઝરખ સહિતનાં વન્ય પાણીઓ તરસ છીપાવે છે

વિજયનગર રેન્જમાં હાલના આકરા ઉનાળાની કાળઝાળ ગરમીમાં વન્ય પ્રાણીઓને પીવાના પાણીના 4 ગજલર પોઇન્ટ બનાવવામાં આવ્યા છે જેમાં રોજ દોઢસોથી વધુ રીંછ, દીપડા,િ નલગાયો, ભૂંડ ઝરખ ,વરનીયર, જંગલી બિલાડા. સહિતનાં વન્ય પાણીઓ તરસ છીપાવે છે.અલબત્ત, આ વ્યવસ્થા અન્ય રેન્જમાં પણ છે કે કેમ એ તપાસનો વિષય છે.

વિજયનગર રેન્જ ફોરેસ્ટ ઓફિસર ડી.એમ.મકવાણા કહે છે કે આ રેન્જમાં કુલ ચાર પાણી ભરેલા ગજલર પોઇન્ટ ઉભા કરવામાં આવ્યા છે જેમાં નિયમિત રીતે  ટેન્કર મારફતે પાણી લાવી આ ચારેય ગજલરમાં નાખવામાં આવે છે.  અન્ય ઋતુની સરખામણીમાં ઉનાળામાં કાળઝાળ ગરમીને લઈ કોઈ વન્ય પ્રાણી પીવાના પાણીથી વંચિત  ન રહે એની ખાસ તકેદારી આ સીઝનમાં પણ રાખવામાં આવે છે.ચોમાસા સિવાયની બન્ને ઋતુઓમાં વન્ય પ્રાણીઓને માટે જંગલોમાં આ રીતે પાણી ભરી મુંગા પ્રાણીઓની તરસ છીપાવવા સરકારના અભિગમ મુજબ કામગીરી કરી રહયા છીએ.