દ્રાક્ષને સુપરફૂડ માનવામાં આવે છે. આ મીઠી અને ખાટી દ્રાક્ષ ખાવામાં ખૂબ જ સ્વાદિષ્ટ છે અને સ્વાસ્થ્ય માટે ઘણી રીતે ફાયદાકારક છે. ઘણા લોકોને પીળી સૂકી દ્રાક્ષ ખાવાનું પસંદ હોય છે જ્યારે કેટલાક લોકોને કાળી સૂકી દ્રાક્ષ ગમે છે. જોકે, બંને સ્વાસ્થ્ય માટે ખૂબ જ ફાયદાકારક છે. પણ કાળી સૂકી દ્રાક્ષ પોષણની દ્રષ્ટિએ પીળી સૂકી દ્રાક્ષથી થોડી અલગ છે. તેને ખાવાના તેના પોતાના ફાયદા છે. પોષણની દ્રષ્ટિએ કાળી સૂકી દ્રાક્ષમાં પુષ્કળ પ્રમાણમાં પ્રોટીન હોય છે. સાથોસાથ તેમાં એન્ટીઑકિસડન્ટો, વિટામિન સી, પોટેશિયમ, મેંગેનીઝ અને કોપર વગેરેથી ભરપૂર હોય છે. જો તમે તમારા આહારમાં કાળી સૂકી દ્રાક્ષનો સમાવેશ કરો છો, તો તેનાથી ઘણા સ્વાસ્થ્ય લાભ છે. તેમજ તેનો ઉપયોગ સવારના નાસ્તામાં કે મીઠાઈઓમાં થાય છે. પણ શું તમે જાણો છો કે કાળી સૂકી અને પીળી સૂકી દ્રાક્ષમાં શું તફાવત છે? કઇ દ્રાક્ષ ખાવી સ્વાસ્થય માટે વધુ ફાયદાકારક છે. જાણો તે વિશે.
કાળી સૂકી દ્રાક્ષ :
1. સ્વાદ અને રંગ
કાળી સૂકી દ્રાક્ષનો સ્વાદ પીળી સૂકી દ્રાક્ષ કરતાં મીઠો અને ઘાટો હોય છે. તેનો રંગ ઘેરો બદામી અથવા કાળો છે.
2. પોષણ તત્વો
કાળી સૂકી દ્રાક્ષમાં પીળી સૂકી દ્રાક્ષ કરતાં વધુ એન્ટીઓક્સીડેન્ટ, ફાઈબર અને પોટેશિયમ હોય છે.
3. ફાયદા
કાળી સૂકી દ્રાક્ષ હાડકાંને મજબૂત કરવામાં, બ્લડ પ્રેશર કંટ્રોલ કરવા, પાચનમાં સુધારો કરવા અને બ્લડ સુગરના સ્તરને કંટ્રોલ કરવામાં મદદ કરે છે.
4. ગેરફાયદા
કાળી સૂકી દ્રાક્ષમાં ઉચ્ચ કેલરી સામગ્રી હોય છે. તેથી તેને ઓછી માત્રામાં ખાવી જોઈએ.
પીળી સૂકી દ્રાક્ષ :
1. સ્વાદ અને રંગ
પીળી સૂકી દ્રાક્ષનો સ્વાદ થોડો મીઠો હોય છે. તેનો રંગ આછો ભુરો અથવા સોનેરી છે.
2. પોષણ તત્વો
પીળી સૂકી દ્રાક્ષમાં વિટામિન B, આયર્ન અને મેગ્નેશિયમ જેવા પોષક તત્વો મળી આવે છે.
3. ફાયદા
પીળી સૂકી દ્રાક્ષ તમારા શરીરના થાકને દૂર કરવામાં, એનિમિયાને રોકવામાં, નર્વસ સિસ્ટમને મજબૂત કરવામાં અને રોગપ્રતિકારક શક્તિ વધારવામાં મદદ કરે છે.
4. ગેરફાયદા
પીળી સૂકી દ્રાક્ષમાં કાળી દ્રાક્ષ કરતાં ઓછા પોષક તત્વો હોય છે.
કઈ દ્રાક્ષ ખાવી સ્વાસ્થય માટે ફાયદાકારક છે?
કઈ દ્રાક્ષ ખાવી સૌથી વધુ ફાયદાકારક છે તે કહેવું મુશ્કેલ છે કારણ કે બંનેમાં પોષક તત્વો અને ફાયદા અલગ-અલગ છે. જો તમે તમારા શરીરમાં એન્ટીઓક્સીડેન્ટ અને ફાઈબરની માત્રા વધારવા માંગો છો, તો કાળી સૂકી દ્રાક્ષ તમારા માટે એક સારો વિકલ્પ છે. જો તમે વિટામિન B, આયર્ન અને મેગ્નેશિયમની ઉણપથી પરેશાન છો, તો પીળી સૂકી દ્રાક્ષ તમારા સ્વાસ્થય માટે ફાયદાકારક છે.
ઓછી માત્રમાં ખાવાનું રાખો : બંને પ્રકારની દ્રાક્ષમાં ઉચ્ચ કેલરી સામગ્રી હોય છે. તેથી તેને ઓછી માત્રામાં ખાવી જોઈએ.
ગુણવત્તા તપાસો : દ્રાક્ષ ખરીદતી વખતે તેની ગુણવત્તા તપાસો. સ્વચ્છ અને તાજી દ્રાક્ષ ખરીદવાનું રાખો.
અસ્વીકરણ : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે અબતક મીડિયા કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.
