સુનામીની કોઈ આગાહી નહીં હોવાથી પ્રજાએ હાંશકારો અનુભવ્યો
યુએસ જીઓલોજિકલ સર્વેના જણાવ્યા અનુસાર શનિવારે ઇન્ડોનેશિયામાં 6.2ની તીવ્રતા ધરાવતો જોરદાર ભૂકંપ સપાટીથી 49 કિલોમીટર નીચે નોંધાયો હતો. જે અકેહ પ્રાંતના દરિયાકાંઠાના શહેર મિઉલાબોહથી 40 કિલોમીટર દક્ષિણ-દક્ષિણપશ્ચિમમાં હતો. જો કે, ઇન્ડોનેશિયાની હવામાનશાસ્ત્ર, આબોહવા અને ભૂ-ભૌતિક એજન્સીએ જણાવ્યું હતું કે ભૂકંપની તીવ્રતા 6.4 હતી.
ઈન્ડોનેશિયામાં આજે સવારે ધરતી ધ્રૂજી ઉઠી હતી. ઈન્ડોનેશિયાના ઉત્તરીય પ્રાંત અકેહમાં શનિવારે વહેલી સવારે ભૂકંપના જોરદાર આંચકા અનુભવાયા હતા. ભૂકંપની તીવ્રતા પણ 6 થી વધુ હતી, જેના કારણે લોકો ચોંકી ઉઠ્યા હતા. જો કે, અચાનક આવેલા ભૂકંપના આંચકાને કારણે તાત્કાલિક કોઈ નુકસાનની જાણ થઈ નથી. રાહતની વાત એ પણ છે કે અધિકારીઓએ કહ્યું કે ભૂકંપ બાદ સુનામીનો કોઈ ખતરો નથી.
પ્રત્યક્ષદર્શીઓના જણાવ્યા અનુસાર વહેલી સવારે ભૂકંપના કારણે લોકો ઘરની બહાર ભાગતા જોવા મળ્યા હતા, પરંતુ બાદમાં તેમને સંદેશ મળ્યો કે સુનામીની કોઈ ચેતવણી નથી. ઉલ્લેખનીય છે કે 2004માં અકેહ પ્રાંતના ઓફશોર વિસ્તારમાં આવેલા શક્તિશાળી ભૂકંપના કારણે ઘણા દેશોમાં સુનામી આવી હતી અને લગભગ 2.30 લાખ લોકો માર્યા ગયા હતા. શનિવારના ભૂકંપની તીવ્રતા રિક્ટર સ્કેલ પર 6.2 હતી અને તેની કેન્દ્ર સપાટીથી 49 કિલોમીટર નીચે હતું. અકેહ પ્રાંતના દરિયાકાંઠાના શહેર મિઉલાબોહથી 40 કિલોમીટર દક્ષિણ-દક્ષિણપશ્ચિમમાં, યુએસ જીઓલોજિકલ સર્વેએ જણાવ્યું હતું. જો કે, ઇન્ડોનેશિયાની હવામાનશાસ્ત્ર, આબોહવા અને ભૂ-ભૌતિક એજન્સીએ જણાવ્યું હતું કે ભૂકંપની તીવ્રતા 6.4 હતી.
