કોમર્શિયલ ઉપયોગ માટે ફાયદારૂપ થશે ઇ-કરન્સી: અર્થતંત્રને બુસ્ટ પણ મળશે
ભારત સરકાર રૂપિયાને મજબૂતાઈ આપવા માટે 2023 સુધીમાં ઇ-કરન્સી લોન્ચ કરશે તેવી નાણામંત્રી નિર્મલા સીતારમને જાહેરાત કરી છે. જેના થકી કોમર્શિયલ ઉપયોગમાં પણ અનેક ફાયદાઓ થશે સાથોસાથ અર્થતંત્રને પણ બુસ્ટ મળશે.
કેન્દ્રીય નાણા પ્રધાન સીતારમણે સિલિકોન વેલીમાં રોકાણકારો અને ઉદ્યોગસાહસિકો સાથે ચર્ચા કરી હતી અને વર્ષ 2023 સુધીમાં ભારતમાં ઇ કરન્સી લોન્ચ કરવાની જાહેરાત કરી હતી.એફઆઈસીસીઆઈ દ્વારા આયોજિત એક કાર્યક્રમમાં, સીતારમને જણાવ્યું હતું કે સરકારે ડિજિટાઇઝેશન માટે બજેટમાં ઘણી પહેલની જાહેરાત કરી છે.
રિઝર્વ બેંક દ્વારા ડિજીટલ કરન્સી, ડીજીટલ બેંકો અને ડીજીટલ યુનિવર્સીટી બનાવવાની ઘોષણાઓનો ઉલ્લેખ કરતા તેમણે કહ્યું કે સરકાર દરેક ક્ષેત્રમાં ડીજીટલાઇઝેશનને સતત પ્રોત્સાહિત કરી રહી છે. તેમણે કહ્યું કે ભારતમાં ડિજીટલાઇઝેશનને ઝડપથી પ્રોત્સાહન આપવામાં આવી રહ્યું છે અને વર્ષ 2023 સુધીમાં નવી ઇ કરન્સી જારી કરવામા આવશે
જોકે, તેમણે કહ્યું કે સૂચિત ડિજિટલ કરન્સીનો હેતુ અન્ય દેશોની જેમ નાણાકીય સમાવેશ કરવાનો નથી. સરકાર અને રિઝર્વ બેંક તેના વિવિધ કોમર્શિયલ ઉપયોગો પર પણ વિચાર કરી રહી છે. ભારતમાં નાણાકીય સમાવેશ જામમિકેનિઝમ દ્વારા હાંસલ કરવામાં આવ્યો છે.
ચર્ચા દરમિયાન, તેમણે રોકાણકારો સાથે સતત સંપર્કમાં રહેવાની અને તેમની ચિંતાઓને દૂર કરવાની જરૂરિયાત પર ભાર મૂક્યો હતો. તેમણે કહ્યું કે ભારતમાં મજબૂત સ્ટાર્ટઅપ ઇકોસિસ્ટમને પ્રોત્સાહિત કરવા માટે સરકારે ખૂબ જ સક્રિય સ્ટાર્ટઅપ સેલની રચના પણ કરી છે. સ્ટાર્ટઅપમાં રસ ધરાવતા લોકોને પ્રોત્સાહિત કરવામાં આવી રહ્યા છે. તેમને ઉદ્યોગ અને આંતરિક વેપારના પ્રમોશન વિભાગ સાથે જોડવામાં આવ્યા છે. તેમણે રોકાણકારોને કહ્યું કે તેઓ તેમના સૂચનો આપી શકે છે અને મુશ્કેલીઓ પણ દર્શાવી શકે છે અને શક્ય હોય ત્યાં સુધી તેમની સમસ્યાઓનું નિરાકરણ પણ કરવામાં આવશે. ચર્ચા દરમિયાન, રોકાણકારોએ સ્વીકાર્યું કે ભારતમાં યુનિકોર્ન કંપનીઓ બનાવવાની ઘણી સંભાવનાઓ છે.
ઇ-કરન્સી વર્તમાન સમયની માંગ
ભૂતકાળમાં બાર્ટર સિસ્ટમ અમલમાં હતી. જેમાં વસ્તુના બદલામાં વસ્તુ આપવામાં આવતી હતી. પણ સમયની માંગ પ્રમાણે કરન્સી અમલમાં આવી હતી. આવી જ રીતે હવે વિશ્વ સાથે જે રીતે વ્યાપાર વધ્યો છે તે રીતે ઇ-કરન્સીની પણ જરૂરિયાત ઉભી થઇ છે.
ભારતના ડિજિટલ ગ્રોથમાં ભવિષ્ય જોતું ગૂગલ
ભારતના ડિજિટલ પેમેન્ટ વૃદ્ધિની પ્રશંસા કરતા, આલ્ફાબેટ અને ગૂગલના સીઈઓ સુંદર પિચાઈએ કહ્યું છે કે કંપનીની ચૂકવણીની વ્યૂહરચના સમગ્ર વાણિજ્ય માટે રચાયેલ વ્યૂહરચના સાથે સમાન છે. કંપનીના ત્રિમાસિક કમાણી કોલ દરમિયાન પિચાઈએ કહ્યું કે ભારતમાં ડિજિટલ પેમેન્ટનો વ્યાપ વધ્યો છે. પિચાઈએ કહ્યું, હવે 40 દેશોમાં 15 કરોડલોકો ગૂગલ પેનો ઉપયોગ કરે છે.
અમે ખાતરી કરી રહ્યા છીએ કે આ સુવિધા દરેક જગ્યાએ કામ કરે છે, સારી રીતે કામ કરે છે, બધી સાઇટ્સ માટે ઉપયોગમાં સરળ છે. અને પછી સમય જતાં, અમે નવા ડિજિટલ અનુભવો બનાવીશું. તેમણે ભારપૂર્વક જણાવ્યું હતું કે કંપની ઈચ્છે છે કે ગૂગલ પે વેપારી અને નાણાકીય સંસ્થા બંને બાજુએ સરળતાથી કામ કરે અને ખાતરી કરે કે તેઓ ગ્રાહકો સાથે સારી રીતે જોડાઈ શકે. નેશનલ પેમેન્ટ્સ કોર્પોરેશન ઓફ ઈન્ડિયા અનુસાર, યુનિફાઈડ પેમેન્ટ્સ ઈન્ટરફેસ એ 29 માર્ચ સુધી 5.04 બિલિયન
ટ્રાન્ઝેક્શન્સ કર્યા હતા, જે રૂ. 8.88 ટ્રિલિયનની સમકક્ષ હતી. આ ફેબ્રુઆરીમાં પ્રક્રિયા કરાયેલા વ્યવહારો કરતાં 11.5 ટકા વધુ છે અને પ્રક્રિયા કરાયેલા વ્યવહારોના મૂલ્યની દ્રષ્ટિએ 7.5 ટકા વધુ છે. ભારતીય ડિજિટલ પેમેન્ટ સ્પેસ હાલમાં ફોન પે, ગૂગલ પે અને પે ટિમ પ્રભુત્વ ધરાવે છે.
