રાષ્ટ્રપતિ દ્રૌપદી મુર્મુએ જસ્ટિસ ચંદ્રચુડને દેશના 50માં ચીફ જસ્ટિસ તરીકે શપથ લેવડાવ્યા
જસ્ટિસ ધનંજય યશવંત ચંદ્રચુડને ભગવાનના નામે દેશના 50માં ચીફ જસ્ટિસ તરીકે રાષ્ટ્રપતિ દ્રૌપદી મુર્મુએ શપથ લેવડાવ્યા છે. જસ્ટિસ ડી વાય ચંદ્રચુડે ઇતિહાસ રચ્યો છે કેમ કે, જસ્ટિસ ડી વાય ચંદ્રચુડ અને તેમના પિતા યશવંત વિષ્ણુ ચંદ્રચુડ બંનેએ 37 વર્ષ 2 મહિના અને 28 દિવસ સુધી ભારતીય ન્યાયતંત્રનું નેતૃત્વ કર્યું છે. તેમના પિતા પણ 7 વર્ષ સુધી દેશના ચીફ જસ્ટિસ રહી ચૂક્યા છે. જસ્ટિસ યશવંત વિષ્ણુ ચંદ્રચુડે દેશના 16માં ચીફ જસ્ટિસ તરીકે 22 ફેબ્રુઆરી 1978 ના રોજ શપથ લીધા હતા. ત્યારથી આશરે 7 વર્ષ સુધી એટલે કે 11 જુલાઈ 1985 ના દિવસે તેઓ નિવૃત થયા હતા અને આજે તેમના પુત્ર જસ્ટિસ ધનંજય યશવંત ચંદ્રચુડે દેશના 50માં ચીફ જસ્ટિસ તરીકે શપથ લીધા છે.
નવનિયુક્ત ચીફ જસ્ટિસ ધનંજય યશવંત ચંદ્રચુડ વકીલ બન્યા તેની પાછળ પણ રોચક તથ્યો છુપાયેલા છે. જસ્ટિસ ધનંજય યશવંત ચંદ્રચુડે આપેલા એક ઇન્ટરવ્યૂમાં તેમણે પોતાની જાતને ’એક્સિડેન્ટલ લોયર’ તરીકેનું બિરુદ આપ્યું હતું. તેઓ સેન્ટ સ્ટીફન યુનિવર્સિટીમાંથી ઉત્તીર્ણ થયા બાદ સિવિલ સર્વિસની તૈયારી કરી રહ્યા હતા ત્યારે તેઓ કાયદાકીય વ્યવસાયથી અવગત થયા હતા. તેમના પિતાની સલાહ બાદ તેમણે એલ.એલ.બી. કરવા ડી.યુ. લો સેન્ટરમાં પ્રવેશ મેળવ્યો હતો. જે બાદ તેમણે વકીલાત શરૂ કરી હતી. બુધવારે લોકસભાના સ્પીકર ઓમ બિરલા, કેન્દ્રીય મંત્રી રાજનાથ સિંહ, અમિત શાહ, પીયૂષ ગોયલ અને કિરેન રિજિજુ તેમજ સુપ્રીમ કોર્ટના ન્યાયાધીશો, કાયદા અધિકારીઓ અને તેમના પરિવારના સભ્યોની હાજરીમાં જસ્ટિસ ડીવાય ચંદ્રચુડે ભારતના બંધારણ પ્રત્યે સાચી શ્રદ્ધા અને નિષ્ઠા રાખવા શપથ ગ્રહણ કર્યા હતા. કેમ્પસ લો સેન્ટરમાંથી એલએલબીની ડિગ્રી મેળવ્યા બાદ જસ્ટિસ ચંદ્રચુડે એલએલએમ કર્યું હતું અને ત્યારબાદ હાર્વર્ડ લો સ્કૂલ, યુએસએમાંથી જ્યુરિડિકલ સાયન્સ (એસજેડી)માં ડોક્ટરેટની પદવી મેળવી હતી. જે બાદ તેમણે બોમ્બે હાઈકોર્ટ અને સુપ્રીમ કોર્ટમાં પ્રેક્ટિસ શરૂ કરી હતી.
તેમને જૂન 1998માં વરિષ્ઠ વકીલ તરીકે નિયુક્ત કરવામાં આવ્યા હતા.તેમને ભારતના વધારાના સોલિસિટર જનરલ તરીકે નિયુક્ત કરવામાં આવ્યા હતા અને 29 માર્ચ, 2000ના રોજ બોમ્બે હાઈકોર્ટના ન્યાયાધીશ તરીકે તેમની નિમણૂક થઈ ત્યાં સુધી તેઓ સોલિસિટર જનરલ તરીકે ચાલુ રહ્યા. તેઓ 31 ઓક્ટોબર, 2013 ના રોજ અલ્હાબાદ હાઈકોર્ટના મુખ્ય ન્યાયાધીશ બન્યા હતા. તેમના બે પુત્રો અભિનવ અને ચિંતન પણ વકીલ છે. અભિનવ બોમ્બે હાઈકોર્ટમાં પ્રેક્ટિસ કરે છે અને ભૂતકાળના સુપ્રીમ કોર્ટના ન્યાયાધીશો સહિત ઘણા પુસ્તકો લખ્યા છે. ચિંતન બ્રિક કોર્ટ ચેમ્બર્સ, લંડનમાં બેરિસ્ટર છે અને વ્યાપારી અને જાહેર કાયદા પર ધ્યાન કેન્દ્રિત કરે છે. ચીફ જસ્ટિસ ચંદ્રચુડ અને પત્ની કલ્પના બે વિશેષ બાળકોના પાલક માતા-પિતા છે.
સિવિલ સર્વિસની તૈયારી કરી રહેલાં જસ્ટિસ ચંદ્રચુડ બન્યાં ’એક્સિડેન્ટલ લોયર’ !!
નવનિયુક્ત ચીફ જસ્ટિસ ધનંજય યશવંત ચંદ્રચુડ વકીલ બન્યા તેની પાછળ પણ રોચક તથ્યો છુપાયેલા છે. જસ્ટિસ ધનંજય યશવંત ચંદ્રચુડે આપેલા એક ઇન્ટરવ્યૂમાં તેમણે પોતાની જાતને ’એક્સિડેન્ટલ લોયર’ તરીકેનું બિરુદ આપ્યું હતું. તેઓ સેન્ટ સ્ટીફન યુનિવર્સિટીમાંથી ઉત્તીર્ણ થયા બાદ સિવિલ સર્વિસની તૈયારી કરી રહ્યા હતા ત્યારે તેઓ કાયદાકીય વ્યવસાયથી અવગત થયા હતા. તેમના પિતાની સલાહ બાદ તેમણે એલ.એલ.બી. કરવા ડી.યુ. લો સેન્ટરમાં પ્રવેશ મેળવ્યો હતો. જે બાદ તેમણે વકીલાત શરૂ કરી હતી.
‘તણાવમુક્ત અદાલત’ બનાવવાનું ચીફ જસ્ટિસનું વચન !!
જસ્ટિસ ચંદ્રચુડે તેમના ન્યાયિક કાર્યની શરૂઆત બપોરે 12:15 એ કરી હતી. જે નિર્ધારિત સમય 10:30 થી મોડું હોવાથી વકીલોને કોર્ટમાં રાહ જોવા માટે માફી માંગીને શરૂઆત કરી. મહત્ત્વની વાત એ છે કે, તેમણે તેમના કોર્ટરૂમ અને અન્ય કોર્ટોને સુપ્રીમમાં “નો-સ્ટ્રેસ કોર્ટ” એટલે કે તણાવમુક્ત બનાવવાનું વચન આપ્યું હતું, જે દર્શાવે છે કે વરિષ્ઠ તેમજ જુનિયર વકીલો ધીરજ અને તીક્ષ્ણ ટીકાત્મક ટિપ્પણીઓ વિના ન્યાયાધીશો પાસેથી પૂરતી સુનાવણી મેળવશે, જે ભૂતકાળમાં ન્યાયાધીશો દ્વારા વારંવાર કરવામાં આવી હતી.
