દ્વારકાના અંગ્રેજી માધ્યમની સૌથી જુની અને બહુપ્રતિષ્ઠિત નગરપાલિકા સંચાલિત ડી.એન.પી.ઈંગ્લી મીડિયમ સ્કૂલના વાર્ષિક મહોત્સવની તાજેતરમાં દ્વારકાના પ્રિતમ વ્યાયામ મંદિર ખાતે ભવ્ય ઉજવણી કરવામાં આવી હતી. મુખ્ય અતિથિ તરીકે નગરપાલિકાના નીલાબેન ઉપાધ્યાય, જયેશભાઈ પુજારી, અવનીબેન રાયમંગીયા, હેમાબેન પુરોહિત, ધવલભાઈ ચંદારાણા સહિત સ્થાનીય અગ્રણીઓ ઉપસ્થિત રહ્યા હતા. માત્ર ૧૫ દિવસની ટુંકી મુદતમાં જ શાળાના ૨૫૦ જેટલા બાળકોએ શાળાના પ્રિન્સીપાલ દિશાબેન તથા અન્ય શિક્ષિકાગણની પ્રેરણા અને ગાઈડન્સથી તથા જહેમતથી વિવિધ સાંસ્કૃતિક કાર્યક્રમો આપી ઉપસ્થિત દર્શકગણને મંત્રમુગ્ધ કર્યા હતા.
