- પુણાગામ વિસ્તારમાંથી ડુપ્લીકેટ નોટ ઝડપી પાડતી SOG પોલીસ
- વિજય ચૌહાણ અને સુરેશ ઉર્ફે ચકોર લાઠીદડીયાની ધરપકડ
- રૂપિયા 1, 03,830 નો મુદ્દામાલ કર્યો કબ્જે
સુરતમાં SOG પોલીસ દ્વારા પુણા ગામ વિસ્તારમાંથી ડુપ્લીકેટ નોટો ઝડપી પાડવામાં આવી હતી. જેમાં પોલીસને 500ના દરની 9 હજારની ડુપ્લીકેટ નોટો મળી હતી. તેમજ ડુપ્લીકેટ નોટો સાથે બે લોકોની ધરપકડ કરી હતી. આ દરમિયાન 1, 03,830નો મુદ્દામાલ કબજે કર્યો હતો. આરોપી વિજય ચૌહાણ અને સુરેશ ઉર્ફે ગુરુજી ઉર્ફે ચકોર લાઠીદડીયાની ધરપકડ કરી વધુ તપાસ હાથ ધરી હતી.
સુરતના પુણા શાકભાજી માર્કેટમાં રૂ. 500ની નકલી નોટો વટાવવા જતાં 2 આરોપીઓને પકડી પાડવામાં આવ્યા છે. પોલીસે કુલ 9,000 રૂપિયાની ડુપ્લીકેટ નોટો જપ્ત કરી છે. આરોપીઓ રૂ. 500ની નકલી નોટો બજારમાં વટાવવાનો પ્રયાસ કરી રહ્યા હતા, જેની જાણ પોલીસને થતાં SOGની ટીમે તરત જ કાર્યવાહી કરી હતી. ફેક કરન્સી અને એક આરોપી સુરેશ પશ્ચિમ બંગાળના બાંગ્લાદેશ બોર્ડર નજીકના માલદા વિસ્તારથી જોડાયેલો છે. અત્રે ઉલ્લેખનીય છે કે, સુરેશની સામે પહેલાથી NIA (National Investigation Agency) દ્વારા ત્રણ કેસ દાખલ કરવામાં આવ્યા છે, જે ગંભીર ગુનાખોરી સાથે સંકળાયેલો હોઈ શકે છે.
પોલીસે નકલી નોટો સાથે બે આરોપીઓને ઝડપી પાડ્યા
પોલીસે રૂ. 500ની બનાવટી ચલણી નોટો સાથે બે આરોપીઓને ઝડપી પાડ્યા છે, જ્યારે એક આરોપી હજુ પણ વોન્ટેડ છે. પોલીસે કુલ રૂ. 1,25,330ના મુદ્દામાલ સાથે આરોપીઓને પકડી પાડીને આગળની કાર્યવાહી હાથ ધરી છે. SOG દ્વારા પકડાયેલા બે આરોપીઓ વિજય ચૌહાણ (ઉ.વ. 27, કેટરિંગ કામ, રહે ઘર નં. 32, રામદેવ સોસાયટી, પુણાગામ તળાવની સામે, પુણાગામ, સુરત, મૂળ નિવાસ- મંગેળા ગામ, તાલુકો તળાજા, જિલ્લો ભાવનગર) અને સુરેશ ઉર્ફે ગુરૂજી ઉર્ફે ચકોર માવજી લાઠીદડીયાની ધરપકડ કરી છે.
વોન્ટેડ આરોપી હજુ પણ પોલીસની પકડથી દૂર
પોલીસને ત્રીજા આરોપી તાહીર ઉર્ફે કાલી ઉર્ફે કાલીયા ઉર્ફે કાલીયો (રઈજુદ્દીન શેખ)ની શોધ છે, જે હજુ પણ ફરાર છે. જે શુકપરા ગામ, જોયેનપુર ગ્રામ પંચાયત, થાણા બૈશ્વનવનનગર કાલીયા ચોક, જિલ્લો માલદા, પશ્ચિમ બંગાળમાં રહે છે. સુરેશની ધરપકડ ફેક કરન્સી રેકેટના એક મોટા કૌભાંડ સાથે જોડાયેલી હોવાનું માનવામાં આવે છે. એનઆઈએ (NIA) દ્વારા તેની પર ત્રણ કેસ દાખલ કરાયા છે, છતાં તે હાઈ-ક્વોલિટી નકલી ચલણનો ગોરખધંધો ચાલુ રાખતો હતો.
ત્રણ કેસ હોવા છતાં ગેરકાયદેસર પ્રવૃત્તિમાં ઝડપાયો
સુરેશ પશ્ચિમ બંગાળના માલદા વિસ્તાર ખાતે રહેતા એક વ્યક્તિ સંકળાયેલો છે, જે બાંગ્લાદેશ બોર્ડર નજીક ફેક કરન્સી માટે હોટસ્પોટ માનવામાં આવે છે. માલદા અને અન્ય બોર્ડર વિસ્તારોમાંથી અવારનવાર નકલી ચલણ લાવવામાં આવે છે અને સુરેશ જેવા લોકો તેના મુખ્ય સપ્લાયરોમાં સામેલ હોઈ શકે. જો કે, સુરેશ પર અગાઉના ત્રણ કેસ હોવા છતાં તે ફરીથી આ જ ગેરકાયદેસર પ્રવૃત્તિમાં ઝડપાયો છે તો તે દર્શાવે છે કે તેનું નેટવર્ક મજબૂત છે અથવા તેને એવા સંપર્કો છે, જેના કારણે તે વારંવાર આ પ્રકારની પ્રવૃત્તિઓ કરી શકે છે.
પકડાયેલા આરોપીઓ પાસેથી મુદ્દામાલ મળ્યો
- SOGએ આરોપીઓની ધરપકડ બાદ મુદામાલ કબ્જે કર્યો
* નકલી ચલણી નોટો: રૂ. 500ના દરની 18 નોટો (કુલ મુલ્ય: ३. 9,000)
* મોબાઈલ ફોન: 3 (કિંમત: રૂ. 21,000)
* નકલી મની ડિટેકટર મશીન: 1 (કિંમત: રૂ. 500)
* નકલી ચલણી નોટો વટાવી પ્રાપ્ત કરેલ રોકડ: રૂ. 1,03,830
કુલ જપ્ત મુદામાલ: રૂ. 1,25,330
આરોપીઓએ નકલી નોટો છાપીને ભારતીય બજારમાં ચલાવવા માટે ખાસ ગેંગ બનાવી હતી. તેઓ પહેલા લોકો પાસેથી સાચી ચલણી નોટો સ્વીકારી લેતા અને પછી વટાવી દેવા માટે નકલી નોટો આપી દેતા. આ કાવતરું પૂર્વ-આયોજિત અને ભારતીય અર્થતંત્રને ખોખલું કરવા માટે રચાયેલું હોવાનું પોલીસની પ્રાથમિક તપાસમાં સામે આવ્યું છે. હાલ આગળની કાર્યવાહી ચાલુ છે.
