રાજ્યભરમાં ભારે વરસાદની પરિસ્થિતિને ધ્યાનમાં રાખી રવિવારે યોજાનારી ગુજરાત ગૌણ સેવા પસંદગી મંડળ, ગાંધીનગરની વર્ગ 3ની પરીક્ષા મોકૂફ રાખવામાં આવી છે. 11 ઓગસ્ટ, રવિવારે રાજ્યમાં ગુજરાત ગૌણ સેવા પસંદગી મંડળ દ્વારા સુપરવાઇઝર ઇન્સ્ટ્રક્ટર (ઇલેક્ટ્રિક ગ્રૂપ તથા કમ્પ્યૂટર ગ્રૂપ) વર્ગ-3ની જગ્યાઓ પરની ભરતી માટેની સ્પર્ધાત્મક પરીક્ષાનું આયોજન કરવામાં આવ્યું હતું, પરંતુ તે વરસાદને કારણે મોકૂફ રાખવાનો નિર્ણય લેવાયો છે. પરીક્ષાની નવી તારીખ હવે પછી જાહેર કરવામાં આવશે, જેની સંબંધિત ઉમેદવારોને ઓજસની વેબસાઇટ કે અન્ય માધ્યમથી કરવામાં આવશે. પરીક્ષા મોકૂફ રાખવાની જાણ ઉમેદવારોને એસએમએસથી પણ કરવામાં આવી છે.
