અકસ્માત સર્જી કાર ચાલક ફરાર: યુવકના મોતથી કડીયા પરિવારમાં શોક
ઉપલેટાના પોરબંદર રોડ ઉપર રહેતા કડીયા યુવાન મુરખડા ગામે કોઈ કામ સબબ જઈ રહ્યા હતા ત્યારે પાછળથી પુરપાટ ઝડપે આવી રહેલી કારે હડફેટે લેતા કડીયા યુવાનને હોસ્પિટલે લઈ જવામાં આવતા ત્યાં તેનું મોત થયેલ હતું. પ્રાપ્ત થતી વિગતો મુજબ શહેરમાં પોરબંદર રોડ ઉપર ગોપી પેલેસ જવાહર રોડ રહેતા ક્ષત્રિયા કડિયા ધર્મદિપ અનિલભાઈ ટાંક (ઉ.વ.૨૨) પોતાનું હોન્ડા મોટર સાયકલનું જી.જે.૦૩ એફ.એન. ૫૦૭૩ લઈને ગોરસ હોટેલ પાસે પહોંચતા ત્યારે પાછળથી કુતિયાણા તરફ જઈ રહેલ સ્વીફટ કારે હડેફેટે લઈ લેતા તેને લોહી લુહાણ હાલતમાં સિવિલ હોસ્પિટલે લઈ જવામાં આવ્યા હતા ત્યાં ફરજ પરના ડોકટરે તેને મૃત જાહેર કરેલ હતો. જયારે અકસ્માત સર્જી સ્વીફટ કારચાલક ફરાર થઈ ગયો હતો. મરણ જનાર ધર્મદિપસિંહ બે ભાઈ અને એક બહેન હતા. તે મામલતદાર કચેરીમાં આવેલ શાખામાં કોન્ટ્રાકટર ઉપર કામ કરતા હોવાનું જાણવા મળેલ છે. જયારે આ અંગે પોલીસમાં પુછપરછ કરતા હજુ સુધી કોઈ ફરિયાદ નોંધાયેલ નહીં હોવાનું જણાવેલ છે.
