” અમને પાણી ભરીને આપતો નથી જાનથી મારી નાંખવો પડશે ” તેમ કહી ફાસ્ટફૂડના ધંધાર્થીને ધમકી

શહેરમાં કાયદો અને વ્યવસ્થાની સ્થિતિ જાણે કથળી રહી હોય તેમ દીન પ્રતિદિન અનેક મારામારીની ઘટના બનવા પામી છે.ત્યારે યુનિવર્સિટીમાં રહેતો દેવવ્રત જયેશભાઈ સિંધવ નામનો યુવાન કે જે એફ.એસ.એલ કચેરી ખાતે મેગીની લારી ધરાવી ધંધો કરે છે. તે ગઈકાલે રાત્રિના પોતાની લારીએ હતો ત્યારે ત્યાં એક જી.જે 36 એ.સી 0073 નંબરની એન્ડ એવર કાર આવી હતી જેમાં બે શખ્સો બેઠા હતા.તેઓએ ફરિયાદીને પાણી ભરી આપવા માટે કહ્યું હતું. પરંતુ ફરિયાદીએ પાણી નહીં ભરી આપતા બંને શખ્સોય ગાડીમાંથી બહાર ઉતરી તેની લારી પાસે આવી અમને કેમ પાણી ભરીને આપતો નથી તને તો હવે જાનથી મારી નાખવો પડશે. તેમ કહી યુવકને ધમકી આપતા બંને શખ્સો વિરૂદ્ધ યુનિવર્સિટી પોલીસમાં ગુનો નોંધવામાં આવ્યો છે.