દેશમાં કોરોના મહામારી વકર્યા બાદ પેરાસીટામોલ ટેબ્લેટને વેચાણમાં મોટો વધારો થયો : ડોલો હોટ ફેવરિટ બનતા સોશિયલ મીડિયામાં પણ મિમ્સ રૂપે છવાઈ ગઇ
અબતક, નવી દિલ્હી : દેશમાં કોરોના મહામારી વકર્યા બાદ પેરાસીટામોલ ટેબ્લેટને વેચાણમાં મોટો વધારો થયો છે. અત્યાર સુધી દેશમાં ક્રોસીન ટેબ્લેટનું વેચાણ વધારે થતું હતું પણ માર્ચ 2020 પછી ડોલો-650 ટેબ્લેટનું વિક્રમી વેચાણ નોંધાયું છે. આંકડાઓ અનુસાર માર્ચ 2020 પછી ડોલો-650 ટેબ્લેટનું વેચાણ 567 કરોડ રૂપિયાથી વધારે થયું છે.
પેરાસીટામોલના માર્કેટમાં ડોલો-650ના અસામાન્યે વેચાણને પગલે સોશિયલ મીડિયા પર અનેક લોકોએ મીમ્સ પણ બનાવ્યા હતા. ડોલો-650 ઉપરાંત 37 અન્ય બ્રાન્ડ્સની દવાઓના વેચાણમાં મોટો ઉછાળો આવ્યો છે. હ્યુમન ડેટા સાયન્સ આઇક્યુવીઆઇએના રિપોર્ટ મુજબ ડોલો અને કાલપોલ આ બે બ્રાન્ડની પેરાસીટામોલનું વેચાણ સૌથી વધુ છે.
બેંગલોર સ્થિત માઇક્રો લેબ્સ લિમિટેડ ડોલો-650નું ઉત્પાદન કરે છે. જ્યારે જીએસકે ફાર્મા કાલપોલનું ઉત્પાદન કરે છે. ગત ડિસેમ્બર 2021માં ડોલો-650નું 28.9 કરોડ રૂપિયાનું વેચાણ થયું હતું જે ડિસેમ્બર 2020ની તુલનામાં 61.45 ટકા વધારે વેચાણ છે. જ્યારે ડિસે.2021માં કાલપોલનું વેચાણ 28 કરોડ રૂપિયા થયું હતું. જે ડિસે.2020 કરતા 56 ટકા વધુ વેચાણ છે. કોરોનાની બીજી લહેર વખતે કાલપોલનું વેચાણ ટોચ પર હતું. માત્ર એપ્રિલ 2021માં 71.6 કરોડ રૂપિયાનું કાલપોલનું વેચાણ થયું હતું.
ડોલો-650નું મેન્યુફેક્ચરિંગ કરતી કંપની માઇક્રો લેબ્સ લિમિટેડની સ્થાપના 1973માં થઈ હતી. ફાર્મા ડિસ્ટીબ્યુટર જી.સી.સુરાનાએ આ કંપનીની સ્થાપના કરી હતી. હાલ તેમનો પુત્ર દિલિપ સુરાના કંપનીના મેનેજિંગ ડિરેક્ટર છે. કંપનીની વેબસાઇટ પર અપાયેલી જાણકારી મુજબ કંપનીનું વાર્ષિક ટર્નઑવર 2,700 કરોડ રૂપિયા છે જેમાં 920 કરોડની નિકાસ પણ સામેલ છે. ડોલોની લોકપ્રિયતા એટલી છે કે તેના ફની મીમ્સ સોશિયલ મીડિયા પર ટ્રેન્ડ થઈ રહ્યાં છે.
ડોલો -650 બની ભારતની ફેવરિટ સ્નેક : સોશિયલ મીડિયામાં ફેલાઈ રમૂજ
ડોલો રૂ. 307 કરોડના વેચાણ સાથે 2021માં ભારતની બીજી સૌથી વધુ વેચાતી એન્ટી-ફીવર અને એનાલ્જેસિક દવા બની છે. બીજી તરફ, જીએસકેની કાલપોલ રૂ. 310 કરોડના વેચાણ સાથે યાદીમાં ટોચ પર છે. ક્રોસિન છઠ્ઠા નંબર પર પહોંચી ગઈ છે. ડોલો-650 બનાવતી કંપની માઇક્રો લેબ્સ લિમિટેડ, બેંગલુરુ છે. બીજી તરફ, કેલ્પોલ અને ક્રોસિનનું ઉત્પાદન યુકે સ્થિત મલ્ટીનેશનલ કંપની જીએસકે ફાર્માસ્યુટિકલ્સ દ્વારા કરવામાં આવે છે.
ડિસેમ્બર 2021માં, ડોલો-650 એ રૂ. 28.9 કરોડની કિંમતની ટેબ્લેટનું વેચાણ કર્યું છે, જે ડિસેમ્બર 2020 કરતાં 61.45% વધુ છે. આ આંકડા ડોલોની વધતી જતી લોકપ્રિયતા બતાવવા માટે પૂરતા છે.
પેરાસિટામોલનું બીજું નામ બની ડોલો
પેરાસિટામોલ એ એક જિનરિક સોલ્ટ છે, સામાન્ય રીતે દુખાવા અને તાવ માટે ઉપયોગમાં લેવાય છે. એ 1960થી માર્કેટમાં છે. એ ક્રોસિન હોય, કાલપોલ હોય કે ડોલો હોય; ફાર્મા કંપનીઓ વિવિધ બ્રાન્ડ નામો હેઠળ માત્ર પેરાસિટામોલ મીઠું વેચે છે. જેમ બોટલના પાણી માટે બિસ્લેરી બ્રાન્ડનો ઉપયોગ થાય છે અને ફોટોકોપી માટે ઝેરોક્સ બ્રાન્ડનો ઉપયોગ થાય છે, એવી જ રીતે લોકો પેરાસિટામોલને ડોલો તરીકે ઓળખવા લાગ્યા છે.
લોકો માત્ર ડોલો-650 જ નથી ખરીદી રહ્યા, જાન્યુઆરી 2020માં કોરોના મહામારી પછી 2 લાખથી વધુ લોકોએ ગૂગલ પર કીવર્ડ ‘ડોલો 650’ સર્ચ કર્યું છે. આવો, ચાલો જાણીએ કે ડોલોએ આ પદ કેવી રીતે હાંસલ કર્યું?
ડોલોનું મેન્યુફેક્ચરિંગ બેંગ્લોર સ્થિત કંપની કરે છે
ડોલો 650 બેંગલુરુ સ્થિત ફાર્માસ્યુટિકલ કંપની માઇક્રો લેબ્સ લિમિટેડ દ્વારા બનાવવામાં આવે છે. કંપનીની શરૂઆત 1973માં ફાર્માસ્યુટિકલ ડિસ્ટ્રિબ્યુટર જીસી સુરાણા દ્વારા કરવામાં આવી હતી. આજે આ કંપની તેમના પુત્ર દિલીપ સુરાણા ચલાવે છે.
માઇક્રો લેબ્સે તેની પેરાસિટામોલ બ્રાન્ડ ડોલોને 650 મિલિગ્રામ કેટેગરીમાં લોન્ચ કરી છે. કંપનીએ જાણીજોઈને એ હકીકત પર ધ્યાન કેન્દ્રિત કર્યું કે માત્ર અમે 650 મિલિગ્રામ પેરાસિટામોલ આપીએ છીએ. બાકીની બ્રાન્ડ માત્ર 500 મિલિગ્રામમાં છે.
માઇક્રો લેબ્સે તેના બ્રાન્ડ પ્રમોશનમાં એફઓયુ એટલે કે ‘ફીવર ઓફ અનનોન ઓરિજિન’ શબ્દનો ઉપયોગ કર્યો હતો. આનાથી તબીબોના પ્રિસ્ક્રિપ્શનમાં વધારો થયો. જો તાવનું કારણ જાણી શકાયું નથી, તો ડોકટરોએ ડોલો-650 સૂચવવાનું શરૂ કરવા લાગ્યા.
