શું તમારે પણ વરસાદ ના કારણે  કાચ માં ધુમ્મસ નો સામનો કરવો પડે છે.

• વરસાદમાં કારમાં થતું ધુમસ

દેશના ઘણા વિસ્તારોમાં ચોમાસાએ દસ્તક આપી છે. વરસાદથી લોકોને ગરમીમાંથી રાહત મળી છે પરંતુ પાણીના કારણે વાહન ચાલકોને અનેક સમસ્યાઓનો સામનો કરવો પડી રહ્યો છે. આ સિઝનમાં કાર ચાલકો માટે સૌથી મોટી સમસ્યા ઓછી વિઝિબિલિટી છે. વરસાદમાં વિઝિબિલિટી ઘટી જાય છે જેના કારણે આગળ જોવું મુશ્કેલ બની જાય છે. વરસાદ દરમિયાન, કારના કાચમાં ધુમ્મસ એકઠું થાય છે અને વ્યક્તિ સામે કંઈપણ જોઈ શકતું નથી. ડ્રાઇવિંગ કરતી વખતે આ ખૂબ જોખમી બની શકે છે. જો સામે બરાબર ન દેખાય તો રોડ પર જાનહાની થઈ શકે છે. ઘણા ડ્રાઇવરો ધુમ્મસને કપડાથી લૂછતા રહે છે જે ખૂબ જ ખોટી વસ્તુ છે. પરંતુ આ પરિસ્થિતિનો સામનો કરવા માટે કારમાં જ ઇનબિલ્ટ ફીચર આપવામાં આવ્યા છે જે 100 ટકા અસરકારક જોવા મળે છે.

•  જુઓ દુર કરવાની રીત

વરસાદના મોસમ દરમિયાન, વિન્ડસ્ક્રીન પર ધુમ્મસ એકઠા થવાની સમસ્યા ઘણીવાર થતી જોવા મળે છે. આવું થવાનું કારણ કે આ સિઝનમાં હવામાં વધુ ભેજ હોય ​​છે. જ્યારે કારની અંદરની ભેજવાળી હવા ઠંડી થાય છે, ત્યારે આ ધુમ્મસ કાચ પર જમા થાય છે. ધુમ્મસના કારણે વાહન ચલાવવું મુશ્કેલ બની ગયું છે. આનો સામનો કરવા માટે કારના ACની મદદ લઈ શકાય છે. જ્યારે તમને લાગે કે વિન્ડસ્ક્રીન ફોગ થઈ રહી છે અને તમે કંઈપણ સ્પષ્ટ જોઈ શકતા નથી, તો AC ચાલુ કરો. AC ને ફ્રેશ એર મોડમાં રાખો, રિસર્ક્યુલેશન નહીં. આના કારણે કારની અંદર બહારથી ઠંડી હવા આવશે અને કારની અંદરનું તાપમાન બહારના તાપમાન જેટલું થઈ જશે અને ધુમ્મસ ગાયબ થવા લાગશે.

•  શું વરસાદની મોસમ માં હીટર કે એસીનો ઉપયોગ કરવો જોઈએ કે નઈ?

વરસાદની મોસમમાં કારની અંદર હીટર ચલાવવાથી ગરમીમાં વધારો થશે અને તેનાથી ભેજ પણ વધશે. તેનાથી વિપરીત થશે કે ધુમ્મસ દૂર જવાને બદલે વધુ વધશે. હવે તમે સમજી જ ગયા હશો કે જ્યારે પણ વરસાદની મોસમમાં કારના કાચ પર ધુમ્મસ હોય છે ત્યારે તમારે એસી ચલાવવું જોઈએ કારનું હીટર નહીં. તમે મધ્યમ ઠંડકના તાપમાને AC ચલાવી શકો છો.