લીંબુ સ્વાસ્થ્ય માટે ફાયદાકારક છે. વિટામીન સી અને મિનરલ્સની સાથે તેમાં એન્ટી ઓક્સીડેન્ટનું પ્રમાણ વધુ હોય છે. લીંબુનો ઉપયોગ રસોડામાં સ્વાસ્થ્ય માટે જ નહીં સ્વાદ વધારવા માટે પણ થાય છે. જો તમે કોઈપણ ખોરાકમાં ખાટો સ્વાદ લાવવા માંગતા હોવ તો લીંબુનો રસ સૌથી પહેલા ધ્યાનમાં આવે છે. જે માત્ર સ્વાદ જ નથી વધારતા પણ સ્વાસ્થ્ય માટે પણ સારું છે. કેટલાક લોકો તો કઠોળમાં લીંબુનો રસ ઉમેરીને ખાતા હોય છે. તેથી આ પ્રોટીનને વધુ સારી રીતે શોષવામાં અને વિટામિન સી આપવામાં મદદ કરે છે. પણ કેટલીક ખાદ્ય વસ્તુઓ એવી હોય છે. જેની સાથે લીંબુના રસનો ઉપયોગ ભૂલથી પણ ન કરવો જોઈએ. જેનાથી તમારા સ્વાસ્થ્યને નુકસાન થાય છે.
અમુક ખોરાકમાં લીંબુનો રસ કેમ ન ઉમેરવો?
શા માટે અમુક ખોરાકમાં લીંબુનો રસ ઉમેરવો નુકસાનકારક હોય છે. હકીકતમાં તો લીંબુ એ એસિડિક ખોરાક છે અને તેમાં એસિડિક ગુણધર્મો છે. જે અનેક પ્રકારના ખાદ્ય પદાર્થો સાથે પ્રતિક્રિયા આપે છે. જેના પરિણામે પેટમાં પાચનને લગતી સમસ્યાઓ થવા લાગે છે.
દહીં, ડેરી ઉત્પાદનો અને દૂધ
લીંબુમાં સાઇટ્રિક એસિડ હોય છે. જેને દૂધ અથવા ખોવા, પનીર અથવા દહીં જેવી કોઈપણ ડેરી પ્રોડક્ટ સાથે ભેળવવામાં આવે તો ડેરી પ્રોડક્ટની રચના બગડે છે. તેમજ દહીંમાં લેક્ટિક એસિડ ઘટકો હોય છે. જો તેની સાથે લીંબુ ખાવામાં આવે તો તેનાથી એસિડિટી અને પાચન સંબંધી સમસ્યાઓ થાય છે.
ખૂબ મસાલેદાર ખોરાક
ખોરાકનો સ્વાદ ખૂબ મસાલા સાથે જોડાયેલા હોય છે. તેમાં લીંબુનો રસ પણ ન નાખવો જોઈએ. લીંબુનો રસ મસાલેદાર ખોરાકનો ટેસ્ટ બગાડે છે.
માછલી
લીંબુનો રસ માંસમાં ભેળવવામાં આવતો હોવા છતાં લીંબુનો રસ અમુક પ્રકારની માછલીઓ સાથે ભેળવવો જોઈએ નહીં. આ માછલીનો સ્વાદ બગાડે છે.
મીઠા ફળો
ફળોનો સ્વાદ મીઠો હોય છે. જેમ કે કેળા, કેરી, સફરજન, તરબૂચ, સારી રીતે પાકેલી સ્ટ્રોબેરી, લીંબુનો રસ તેમની સાથે ભેળવવો જોઈએ નહીં. આનાથી પેટનું ફૂલવું અને હાર્ટબર્નની સમસ્યા થાય છે.
છાશ
છાશ સાથે પણ લીંબુનો રસ ન નાખવો જોઈએ. જેમ દૂધ અને દહીંમાં લીંબુનો રસ ભેળવી શકાતો નથી. તેવી જ રીતે તેને છાશમાં પણ ભેળવો ન જોઈએ. આ તમારા પાચન માટે સારું નથી.
ઈંડા
લીંબુના રસને ઇંડા સાથે ભેળવવો જોઈએ નહીં. લીંબુનો રસ ઇંડામાથી મળતા પ્રોટીનને ઓગાળી દે છે. તેમજ તે ઈંડાને પણ બગાડે છે. તેથી જેમાં ઇંડા હોય તેવી વાનગીઓમાં લીંબુના રસનો ઉપયોગ ન કરવો જોઈએ.
