- પતિ અઠવાડિયામાં માત્ર એક વાર કરતો સ્નાન, અન્ય દિવસોમાં ગંગાજળ છાંટીને કરતો પૂજા: પતિથી ત્રસ્ત પત્નીએ ઘર છોડ્યું
- ઉત્તર પ્રદેશના આગ્રામાંથી એક વિચિત્ર ઘટના સામે આવી છે. અહીં લગ્નના 40 દિવસમાં જ પત્નીએ પતિ પાસેથી છૂટાછેડા માંગ્યા છે. બંને વચ્ચે જે વિવાદ થયો તેનું કારણ આશ્ચર્યજનક છે.
ઉત્તર પ્રદેશના આગ્રામાંથી એક વિચિત્ર ઘટના સામે આવી છે. અહીં લગ્નના 40 દિવસમાં જ પત્નીએ પતિ પાસેથી છૂટાછેડા માંગ્યા છે. હકીકતમાં, મહિલાએ તેના પતિ પર અઠવાડિયામાં માત્ર એક જ વાર નહાવાનો આરોપ લગાવ્યો છે. પત્નીના કહેવા પ્રમાણે પતિ અઠવાડિયામાં એકવાર સ્નાન કરે છે અને બાકીના દિવસોમાં ગંગાજળ છાંટીને પૂજા કરે છે.
વધુ માહિતી મુજબ પત્ની તેના માતા-પિતાના ઘરે ગઈ અને તેના પતિ વિરુદ્ધ પોલીસ ફરિયાદ નોંધાવી. તેણે જણાવ્યું કે તેનો પતિ તેને રોજ મારતો હતો. અને દહેજ માટે હેરાન કરે છે. પોલીસે કેસને ફેમિલી કાઉન્સેલિંગ સેન્ટરમાં ટ્રાન્સફર કર્યો હતો. જ્યારે કાઉન્સેલરોએ પતિ-પત્નીને બોલાવ્યા તો પત્નીએ પતિ પર મારપીટ અને રોજ ન નહાવાનો આરોપ લગાવ્યો. તેણે કાઉન્સેલરોને કહ્યું કે લગ્નને 40 દિવસ થઈ ગયા છે, ત્યારથી તેના પતિએ માત્ર છ વાર જ સ્નાન કર્યું છે. તે ગંદા છે અને જ્યારે તેણી તેને નહાવાનું કહે છે, ત્યારે તે તેને મારતો હતો. જ્યારે કાઉન્સેલર્સે પતિની પૂછપરછ કરી તો તેણે જણાવ્યું કે જ્યારે પણ સમય મળે ત્યારે તે પોતાના શરીર પર ગંગા જળ છાંટે છે અને સ્નાન કરે છે.
આ મામલે પોલીસે દરમિયાનગીરી કરી અને રાજેશ સાથે વાત કરી અને તે દરરોજ સ્નાન કરવા માટે સંમત થયો. પરંતુ, તેની પત્ની હવે તેના વૈવાહિક ઘરે પરત ફરવા અને તેની સાથે લગ્નજીવન ચલાવવા માટે તૈયાર નથી. દંપતીને તેમનો વિવાદ ઉકેલવા માટે 22 સપ્ટેમ્બર, 2024ના રોજ ફરીથી કાઉન્સેલિંગ સેન્ટરની મુલાકાત લેવાનું કહેવામાં આવ્યું છે.
આ ઘટના પહેલીવાર નથી જ્યારે કોઈ દંપતીએ આવા વિચિત્ર કારણોસર છૂટાછેડાની માંગ કરી હોય. આ અગાઉ પણ આવી ઘણી ઘટનાઓમાં દામ્પત્ય જીવનનો અંત આવ્યો છે.
