ઓખામાં એએસપી પ્રશાંત સુલેની અધ્યક્ષતામાં જીલ્લાકક્ષાની ક્રાઈમ કોન્ફરન્સ યોજાઈ

ઓખા મંડળ દેવભૂમિ દ્વારકા જીલ્લાના એએસપી પ્રશાંત સુલે દર મહિને ખંભાળીયા ખાતે ક્રાઈમ કોન્ફરન્સ યોજાય છે. આ વખતે ઓખા મરીન સ્ટેશનમાં જીલ્લાકક્ષાની ક્રાઈમ કોન્ફરન્સ યોજવામાં આવી હતી. જેમાં દેવભૂમિ દ્વારકા જીલ્લાના ઓખા મરીન પોલીસ સ્ટેશનના પી.એસ.આઈ પ્રદ્યુમનસિંહ ગઢવી સાથે દ્વારકાના પીએસઆઈ ડી.કેવાડીયા, મીઠાપુરના ચંદ્રકલા.બી.જાડેજા, ભાણવડના મકવાણા, સલાયાના જાડેજા, કલ્યાણપુરના કારગીયા, ખંભાળીયાના મકવાણા સાથે ઓખા મરીન પોલીસનો તમામ સ્ટાફ હાજર રહ્યો હતો. આ પ્રસંગે એ.એસ.પી.એ ઓખા મેઈન બજારની પગપાળા પેટ્રોલીંગ કરી ત્યારબાદ મીઠાપુરના પી.એસ.આઈ ચંદ્રકલા.બી.જાડેજા સાથે ઓખા રેલવે સ્ટેશનથી આરંભડા સુરજકરાડી પોલીસ સ્ટેશન સાથે સુરજકરાડી મેઈન બજારની ફલેગમાર્ચ કરી હતી.