મુસાફર છેલ્લી ઘડીએ પણ મુસાફરી કેન્સલ કરે તો તાત્કાલિક ટીટીઈના ડિવાઇસ પર થાય છે બલિન્ક!!
ભારતીય રેલવે હવે ડિજિટલાઈઝેશ તરફ વળ્યું છે જેનો સીધો જ ફાયદો મુસાફરોને મળી રહ્યો છે. અગાઉ વેઇટિંગ ટીકીટ હોય તો મુસાફરી પૂર્વે ફીઝીકલ ચાર્ટ જોવો પડતો હતો અને સીટ માટે વલખા મારવા પડતા હતા પરંતુ જ્યારથી ટીટીઇને રેલવેએ હેન્ડ હેલ્ડ ટર્મિનલ(એચએચટી) ડિવાઇસ આપવામાં આવ્યા છે ત્યારથી હવે દૈનિક 7 હજાર જેટલા મુસાફરોબકે જેમની પાસે આરએસી અથવા વેઇટિંગ ટીકીટ હોય તેમની સીટ કનફર્મ થઈ રહી છે.
કોમ્પ્યુટરાઈઝ્ડ ઓન-બોર્ડ ટિકિટ ચેકિંગ અને ખાલી સીટ એલોટમેન્ટ માટે રેલવેના નવા હેન્ડ-હેલ્ડ ટર્મિનલ (એચએચટી)ને કારણે છેલ્લા 4 મહિનામાં ટ્રેનોમાં દરરોજ સરેરાશ 7000 અપ્રમાણિત મુસાફરોને ક્ધફર્મ સીટ મેળવવાની સુવિધા મળી છે. રેલવેના આંકડા પરથી આ માહિતી મળી છે. એચએચતી ઉપકરણ એ આઈપેડના કદનું છે, જેમાં પ્રીલોડેડ પેસેન્જર રિઝર્વેશન ચાર્ટનો સમાવેશ થાય છે. પહેલાની જેમ પેપર ચાર્ટમાંથી પસાર થવાને બદલે ટિકિટ ચેકિંગ સ્ટાફ પેસેન્જર રિઝર્વેશન સિસ્ટમના સેન્ટ્રલ સર્વર સાથે જોડાયેલા આ ટૂલ્સ દ્વારા સર્ચ કરીને બુકિંગ પર રીઅલ-ટાઇમ અપડેટ્સ જોઈ શકે છે. તેથી જો આરક્ષિત ટિકિટ ધરાવનાર મુસાફર છેલ્લી ઘડીએ તેની મુસાફરી કેન્સલ કરે તો ખાલી સીટ એચએચટી ઉપકરણ પર પ્રદર્શિત થાય છે જે ટ્રેનની ટિકિટ પરીક્ષકને વેઇટલિસ્ટ પેસેન્જરને અથવા કેન્સલેશન સામે રિઝર્વેશન અગેન્સ્ટ પેસેન્જરને સીટ ફાળવવાની મંજૂરી આપે છે.
રેલ્વે સૂત્રોના જણાવ્યા અનુસાર આ સંદર્ભમાં, આરએસી અથવા વેઇટિંગ લિસ્ટ ટિકિટ ધરાવતા મુસાફરો એચએચટી દ્વારા ટીટીઈ સાથે વાસ્તવિક સમયના આધારે ખાલી બર્થની ઉપલબ્ધતા વિશે તપાસ કરી શકે છે અને આનાથી ટ્રેનોમાં સીટ ફાળવણીમાં પારદર્શિતા આવે છે. 4 મહિના પહેલા શરૂ કરાયેલા પ્રોજેક્ટ હેઠળ લગભગ 1390 ટ્રેનોના ટીટીઈ દરરોજ તેમની મુસાફરીના વિવિધ તબક્કામાં અથવા ટ્રેનમાં તેમની મુસાફરીના ભાગો પર લગભગ 10,745 એચએચટી વહન કરે છે. છેલ્લા 4 મહિનામાં એચએચટી દ્વારા દરરોજ સરેરાશ 5448 આરએસી મુસાફરો અને 2759 રાહ-સૂચિબદ્ધ મુસાફરોને બેઠકો ફાળવવામાં આવી હતી.
આરએસી અથવા પ્રતીક્ષા-સૂચિબદ્ધ મુસાફરોને સીટ ફાળવણી ઉપરાંત લગભગ 7000 બિનઉપયોગી ખાલી બેઠકો પણ એચએચટી દ્વારા પીઆરએસને દરરોજ જારી કરવામાં આવે છે જેથી તેઓને ટ્રેનોના રૂટ પર આગલા સ્ટેશનથી બુકિંગ માટે ઉપલબ્ધ કરી શકાય.
