હિન્દુ ધર્મમાં ધનતેરસનો તહેવાર દિવાળીના 5 દિવસીય તહેવારની શરૂઆત કરે છે. જેને પ્રકાશનો તહેવાર માનવામાં આવે છે. ધનતેરસના દિવસે લોકો દેવી લક્ષ્મીની કૃપા મેળવવા માટે વિવિધ પ્રકારની ખરીદી કરે છે અને તેમના ઘરને દીવાઓથી શણગારે છે.
અનુસાર માહિતી મુજબ, દર વર્ષે આસો માસના કૃષ્ણ પક્ષની તેરસના દિવસે ધનતેરસનો તહેવાર ઉજવવામાં આવે છે. દિવાળીના 2 દિવસ પહેલા ધનતેરસ ઉજવવામાં આવે છે. આ દિવસથી જ દિવાળીનો તહેવાર શરૂ થાય છે. પૌરાણિક માન્યતાઓ અનુસાર ધનતેરસના દિવસે ખરીદી કરવાની અને દેવી લક્ષ્મીની કૃપા મેળવવા અને ઘરમાં સુખ, શાંતિ અને સમૃદ્ધિ મેળવવા માટે સાંજે ઘરના દરેક ખૂણામાં દીવા પ્રગટાવવાની પરંપરા છે.
માન્યતાઓ અનુસાર ધનતેરસના દિવસે ઘરમાં કેટલીક એવી જગ્યાઓ હોય છે, જેને દીવાઓથી પ્રગટાવવાની જરૂર હોય છે. આ સ્થાનો પર દીવા પ્રગટાવવાથી દેવી લક્ષ્મીની કૃપા પ્રાપ્ત થાય છે અને આખા વર્ષ દરમિયાન ઘરમાં પૈસા અને અનાજની કમી નથી રહેતી. જ્યોતિષ શાસ્ત્ર અનુસાર ચાલો જાણીએ કે એવી કઈ જગ્યાઓ છે જ્યાં ધનતેરસના દિવસે દીવો પ્રગટાવવાથી દેવી લક્ષ્મીની કૃપા પ્રાપ્ત થાય છે.
વૈદિક કેલેન્ડર મુજબ તેરસ તિથિ મંગળવાર 29 ઓક્ટોબર, 2024 ના રોજ સવારે 10:31 વાગ્યે શરૂ થશે અને ત્રયોદશી તિથિ બીજા દિવસે, 30 ઓક્ટોબર, 2024, બુધવારે બપોરે 1:15 વાગ્યે સમાપ્ત થશે. ઉદય તિથિ અનુસાર આ વર્ષે ધનતેરસનો તહેવાર 29 ઓક્ટોબરે ઉજવવામાં આવશે.
આ જગ્યા પર પ્રગટાવો દીવડા :
દેવી લક્ષ્મીની વિશેષ કૃપા મેળવવા માટે ધનતેરસની રાત્રે તમારા ઘરના મંદિર પૂજા રૂમમાં અખંડ દીવો પ્રગટાવો. તેમજ એવું માનવામાં આવે છે કે આવું કરવાથી ઘરમાં સુખ-સમૃદ્ધિ આવે છે અને વાસ્તુ દોષ પણ દૂર થાય છે. ધનતેરસની રાત્રે તુલસીના છોડ નીચે ગાયના ઘીનો દીવો કરવો. આમ કરવાથી દેવી લક્ષ્મી અને ભગવાન વિષ્ણુની કૃપા પ્રાપ્ત થાય છે.
ધનતેરસની રાત્રે ઘરના ઉત્તર-પૂર્વ ખૂણામાં ગાયના ઘીનો દીવો પ્રગટાવવો જોઈએ. ધ્યાનમાં રાખો કે આ સ્થાન પર પ્રગટાવવામાં આવતા દીવામાં રૂની વાટને બદલે લાલ રંગની મૌલી અથવા કલાવાનો ઉપયોગ કરો. તેમજ આ દીવો પ્રગટાવતી વખતે તેમાં થોડું કેસર પણ નાખો. હવે દીવો કરતા પહેલા તેના પર થોડાં ચોખા રાખો અને આ ચોખાની ઉપર દીવો મૂકો. ધ્યાન રાખો કે આ દીવાને સીધો જમીન પર રાખીને પ્રગટાવવો જોઈએ નહીં.
ઘરમાં ધન અને દેવી લક્ષ્મીની કૃપા વધારવા માટે ધનતેરસના દિવસે સાંજે પીપળના ઝાડ નીચે દીવો પ્રગટાવો. તેમજ એવું માનવામાં આવે છે કે આવું કરવાથી ઘરમાં પૈસા અને અનાજની કમી નથી રહેતી.
આર્થિક તંગીથી છુટકારો મેળવવા માટે ધનતેરસના દિવસે રાત્રે ગાયના શુદ્ધ ઘીનો દીવો બિલિપત્રના ઝાડ નીચે પ્રગટાવો. તેમજ એવું માનવામાં આવે છે કે બિલિપત્રના વૃક્ષમાં ભગવાન શિવ, માતા પાર્વતી, દેવી લક્ષ્મી સહિત ઘણા દેવી-દેવતાઓ નિવાસ કરે છે.
અસ્વીકરણ : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે અબતક મીડિયા કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.
