મુળી તાલુકાનાં ગામોમાં મોટાપ્રમાણમાં ખનિજ સંપત્તિ મળી આવે છે ત્યારે દુધઈ ની ગૌચર જમીન માં સફેદ માટી નું ખોદકામ અટકાવવા રજુઆત કરવામાં આવી છે જેમાં દુધઈ થી ગઢડા નાં સિમાડે નદીકાંઠે ગૌચર જમીન માં હિટાચી મશીન અને જેસીબી મશીનથી ખોદકામ છેલ્લા એક વર્ષથી ચાલું હોય આ કામ ગઢડા નાં કુકાભાઈ કોળી વતી ચાલું હોય અને રાત્રી નાં સમયે ડમ્પરો ભરી મોરબી તરફ મોકલી આપવામાં આવે છે.
ત્યારે તેઓને મૌખિક જાણ કરી ગૌચર જમીન માં ખોદકામ અટકાવવા માટે જણાવેલ હતું તેમ છતાં રાત્રી નાં સમયે ડમ્પરો ભરી ખોદકામ ચાલુ છે ત્યારે આ ખોદકામ તાત્કાલિક ધોરણે અટકાવવા માટે સુરેન્દ્રનગર જીલ્લા ખાણ ખનીજ વિભાગ ને દુધઈ પંચાયત દ્વારા રજુઆત કરવામાં આવી હતી આ બાબતે તાલુકા વિકાસ અધિકારી અને મામલતદાર મુળી ને પણ રજુઆત કરવામાં આવી હતી.
તેમ છતાં આજદિન સુધી કોઈ કાર્યવાહી કરવામાં નહીં આવતા સુરેન્દ્રનગર જીલ્લા ખાણ ખનીજ વિભાગ ને રજુઆત કરવામાં આવી છે જોઈએ હવે તંત્ર શું પગલાં ભરે છે તેની સામે ગામજનો ની નજર નોંધાયેલ છે નહીંતર આગામી સમયમાં જનતા રેડ કરી ખનિજ માફીયાઓ ઉપર પંચાયત કેસ દાખલ કરવામાં આવશે ગૌચર બચાવવા માટે હવે પંચાયત અને ગામજનો મેદાનમાં ઉતરવાની ફરજ પડશે.
