રક્ષામંત્રી રાજનાથ સિંહે આ બેઠક પરથી ભર્યું  ઉમેદવારી પત્ર

• CM યોગી સહિત ઘણા નેતાઓએ રોડ શોમાં ભાગ લીધો.

Loksabha Election 2024 : રાજનાથ સિંહ ભાજપની ટિકિટ પર ત્રીજી વખત લખનૌ બેઠક પરથી ચૂંટણી લડી રહ્યા છે. 2014 અને 2019માં રાજનાથ સિંહ લખનૌથી પ્રચંડ બહુમતીથી જીત્યા હતા. હવે તેની નજર જીતની હેટ્રિક પર છે.

રક્ષા મંત્રી અને લખનૌ બેઠક પરથી ભાજપના ઉમેદવાર રાજનાથ સિંહે સોમવારે ઉમેદવારી નોંધાવી હતી. નામાંકન પહેલા રાજનાથ સિંહે બીજેપીના પ્રદેશ મુખ્યાલયથી કલેક્ટર કચેરી સુધી રોડ શો પણ કર્યો હતો. આ રોડ શોમાં મુખ્યમંત્રી યોગી આદિત્યનાથ, ઉત્તરાખંડના સીએમ પુષ્કર સિંહ ધામી, ડેપ્યુટી સીએમ બ્રજેશ પાઠક અને અન્ય ઘણા વરિષ્ઠ નેતાઓ હાજર રહ્યા હતા.

રાજનાથ સિંહ ભાજપની ટિકિટ પર લખનૌ બેઠક પરથી ત્રીજી વખત ચૂંટણી લડી રહ્યા છે. 2014 અને 2019માં રાજનાથ સિંહ લખનૌથી પ્રચંડ બહુમતીથી જીત્યા હતા. હવે તેની નજર જીતની હેટ્રિક પર છે. તેમની સામે સમાજવાદી પાર્ટી તરફથી રવિદાસ મેહરોત્રા ચૂંટણી લડી રહ્યા છે. જ્યારે બહુજન સમાજવાદી પાર્ટીએ સરવર મલિકને ટિકિટ આપીને સ્પર્ધાને ત્રિકોણીય બનાવવાનો પ્રયાસ કર્યો છે. લખનૌ બેઠક ભાજપ માટે ખૂબ જ સુરક્ષિત બેઠક માનવામાં આવે છે. પૂર્વ વડાપ્રધાન અટલ બિહારી વાજપેયી આ બેઠક પરથી પાંચ વખત સાંસદ હતા. આ પછી 2009માં પૂર્વ રાજ્યપાલ લાલજી ટંડને આ સીટ પર કમળનું વાવેતર કર્યું હતું. રાજનાથ સિંહ છેલ્લા બે વખતથી આ બેઠક પરથી સાંસદ છે.

નોંધનીય છે કે પાંચમા તબક્કા હેઠળ લખનૌમાં 20 મેના રોજ મતદાન થવાનું છે. પાંચમા તબક્કામાં યુપીના મોહનલાલગંજ, લખનૌ, રાયબરેલી, અમેઠી, જાલૌન, ઝાંસી, હમીરપુર, બાંદા, ફતેહપુર, કૌશામ્બી, બારાબંકી, ફૈઝાબાદ, કૈસરગંજ અને ગોંડામાં મતદાન થશે.