15 માર્ચે કોર્પોરેટ વિરોધી દિવસ અને સરકાર વિરોધી દિવસ મનાવાશે,17 માર્ચે કામદાર સંગઠનો અને અન્ય સંસ્થાઓ સાથે બંધ મુદ્દે બેઠક : સંયુક્ત કિસાન મોરચાનું એલાન
ડીઝલની વધતી કિંમતો, પેટ્રોલ, રાંધણ ગેસ અને અન્ય જરૂરી ચીજવસ્તુઓમાં મોંઘવારીના વિરોધમાં આવેદનો પાઠવાશે
કૃષિ કાયદાઓનો વિરોધ કરતા ખેડૂત સંગઠનોએ 26 માર્ચે સંપૂર્ણ ભારત બંધનું એલાન કર્યું છે.
સંયુક્ત કિસાન મોરચાના નેતા ડો.દર્શન પાલ દ્વારા જાહેર કરાયેલા એક નિવેદનમાં આ માહિતી આપવામાં આવી છે.
આ નિવેદન મુજબ બુધવારે સંયુક્ત કિસાન મોરચાની બેઠકમાં આગળના કાર્યક્રમોની રૂપરેખા નક્કી કરવામાં આવી હતી, જે અંતર્ગત 15 માર્ચે કોર્પોરેટ વિરોધી દિવસ અને સરકાર વિરોધી દિવસની ઉજવણી કરવામાં આવશે, જેમાં ડીઝલની વધતી કિંમતો, પેટ્રોલ, રાંધણ ગેસ અને અન્ય જરૂરી ચીજવસ્તુઓમાં મોંઘવારી અંગે ઉખ અને જઉખને આવેદનપત્ર આપીને વિરોધ કરવામાં આવશે.
આ દિવસે દેશભરના રેલવે સ્ટેશનો પર ટ્રેડ યુનિયન સાથે ખાનગીકરણ સામે વિરોધ પ્રદર્શન યોજવામાં આવશે. આ જ ક્રમમાં, 26 માર્ચના સૂચિત ભારત બંધને સફળ બનાવવા માટે 17 માર્ચે કામદાર સંગઠનો અને અન્ય સંસ્થાઓ સાથે પણ બેઠક યોજવામાં આવશે.સંયુક્ત કિસાન મોરચાના નિવેદન મુજબ મુઝારા લહેરાનો દિવસ 19 માર્ચે ઉજવવામાં આવશે અને એફસીઆઈ અને સેવ ફાર્મિંગ કાર્યક્રમ અંતર્ગત દેશભરની મંડીઓમાં વિરોધ પ્રદર્શન કરવામાં આવશે. 23 માર્ચે વીર ક્રાંતિકારી ભગતસિંહના શહીદ દિવસ પર દેશભરના યુવાનો ખેડૂતોના ધરણા સ્થળ પર દિલ્હી બોર્ડર પર સાથે જોડાશે, અને 26 માર્ચે આ આંદોલનના 4 મહિના બાદ ભારતને સંપૂર્ણ બંધનું આહ્વાન આપવામાં આવશેઆ જ ક્રમમાં કોલકાતામાં એક વિશાળ રેલીનું આયોજન કરવામાં આવ્યું હતું, જેમાં મુખ્ય સૂત્ર હતું કે “ભાજપને વોટ નહીં”. આ રેલીમાં મનજીતસિંહ ધાનેર, હર્નેકસિંહ, રમિન્દરસિંહ પટિયાલા, સુરેશ ખોથ, મનજીતસિંહ રાય, અભિમન્યુ કોહર, રણજીત રાજુ વગેરે ખેડૂત નેતાઓએ ભાગ લીધો હતો. આ રેલીમાં 10 હજારથી વધુ વિદ્યાર્થીઓ, યુવાનો, ખેડૂતો, મજૂરો અને સભાન નાગરિકોએ ભાગ લીધો હતો.
