જામનગર શહેર સહિત તાલુકા અને જિલ્લામાં લાંબા સમયથી આધાર કાર્ડની કામગીરી ચાલી રહી છે અને અને લોકો લાભ લઇ રહયા છે ત્યારે શહેરના ટાઉનહોલમાં બુધવારના સર્વર ડાઉન થઇ જતાં કામગીરી ઠપ્પ થઇ જતા શહેરીજનોમાં રોષની લાગણી જન્મી હતી અને થોડા અંશે બબાલના દ્રશ્યો સર્જાયા હતાં.
શહેરમાં ટાઉનહોલમાં લાંબા સમયથી આધાર કાર્ડની કામગીરી ચાલી રહી છે અને મોટી સંખ્યામાં લોકો કામગીરીનો લાભ લઇ રહયા છે પરંતુ અવાર-નવાર સર્વર ડાઉન થઇ જવું સહિતની સમસ્યાઓથી સવારથ સાંજ સુધી પોતાના બાળકો સાથે ઉભા રહેતા મહિલાઓ, વૃધ્ધો સહિતના તોબા પોકારી ઉઠયા છે તો અંગે તંત્ર દ્વારા તપાસ હાથ ધરી લોકોને પડતી હાલાકીઓ દુર કરવા કાર્યવાહી કરવી જેાઇએ તેવું લોકોમાં ચર્ચાઇ રહયું છે.
