૧૪ ફેબ્રુઆરીએ પૂલવામાં હુમલામાં શહીદ થયેલા વિર જવાનોના પરિવારની સહાય માટે દેશભરમાંથી સહાયનો ધોધ વરસી રહ્યો છે. ત્યારે રાજકોટવાસીઓ પણ સહાય કરવામાં પાછળ નથી ત્યારે રાજકોટ ભાજપના કોર્પોરેટર મુકેશ રાદડીયા તથા રોહિત રાતોજા, ભાવેશ સગર, રવિ રાતોજા, જગદીશ ખીંટ, ભરત મકવાણા, સચિન પંડયા, હિતેષ કારેના, રમેશભાઈ ખીંટ તથા તેમના ગ્રુપના મિત્રોમળીને પૂલવામાં હુમલાના શહીદ જવાનોના પરિવાર પ્રત્યે દેશભકિતની લાગણી દર્શાવી રૂ.૪૫ હજાર એકત્ર કરી ચેક અધિક નિવાસી કલેકટર પી.બી. પંડયા ને અર્પણ કર્યો હતો. આ ઉપરાંત કોર્પોરેટર મુકેશ રાદડીયાએ પોતાનો એક મહિનાનો પગાર રૂ.૧૪૫૦૦ શહીદ પરિવારને અર્પણ કર્યો હતો.
