દેશમાં કોરોના સંક્રમણ જોર પકડી રહ્યું છે. એટલુજ નહિ સામે કેસો પણ ઝડપથી વધી રહ્યા છે. ત્યારે આંકડાકીય માહિતી અનુસાર શુક્રવારે દેશમાં કોરોનાના 640 નવા કેસ નોંધાયા છે. જે બાદ દેશમાં કુલ સક્રિય કોરોના દર્દીઓની સંખ્યા વધીને 2997 થઈ ગઈ છે. કેન્દ્રીય સ્વાસ્થ્ય મંત્રાલયે આ આંકડા જાહેર કર્યા છે.
કેસો નિયંત્રણમાં ટ્રાવેલ એડવાઈઝરી હાલ પૂરતી નહીં!
કેરળમાં કોરોનાને કારણે વધુ એક દર્દીનું મોત થયું છે. તમને જણાવી દઈએ કે ગુરુવારે કેરળમાં ત્રણ, કર્ણાટકમાં બે અને પંજાબમાં એક વ્યક્તિનું કોરોના સંક્રમણને કારણે મોત થયું હતું. દેશમાં ચેપનો દર હાલમાં 1.19 ટકા છે. જ્યારે જયપુરમાં એક મહિનાનો બાળક કોરોના સંક્રમિત થયો છે. પરંતુ કોરોના નવા વેરિયન્ટમાં એક સારી વાત એ છે કે, અહી રિકવરી રેટ 98.8 ટકાનો છે. બીજી તરફ કેન્દ્રીય સાવસ્થ મંત્રાલયે જણાવ્યું છે કે કે મોત નીપજ્યા છે તે મોત ગંભીર બીમારીના કારણે થયા છે. ત્યારે કોરોનાથી ડર્યા વગર પણ સાવચેતી રાખવી ખુબજ જરૂરી અને અનિવાર્ય છે.
ગુજરાતમાં 32, ગોવામાં 16, તમિલનાડુમાં 104, તેલંગાણામાં 19 સક્રિય કોરોના દર્દીઓ છે. મહારાષ્ટ્રમાં છેલ્લા 24 કલાકમાં કોરોનાના 8 નવા સક્રિય કેસ મળી આવ્યા છે, જેના પછી રાજ્યમાં કુલ સક્રિય કેસ વધીને 53 થઈ ગયા છે. જો કે, રાજ્ય સરકારો કહે છે કે ગભરાવાની જરૂર નથી અને આરોગ્ય સેવાઓ પરિસ્થિતિનો સામનો કરવા માટે તૈયાર છે. જો કે, લોકોને જાહેર સ્થળોએ માસ્ક પહેરવાની અપીલ કરવામાં આવી છે અને કહેવામાં આવ્યું છે કે રોગના લક્ષણો દેખાય કે તરત ડોક્ટરની સલાહ લેવી જોઈએ. જણાવી દઈએ કે ગુરુવારે દેશભરમાં કોરોનાના 358 નવા સક્રિય કેસ નોંધાયા હતા. તેમાંથી 300 કેસ એકલા કેરળ રાજ્યમાં મળી આવ્યા હતા.
ગુરુવારે, દેશભરમાં કોરોનાના કુલ સક્રિય કેસ 2669 હતા, જે શુક્રવારે વધીને 2997 થઈ ગયા. છેલ્લા 24 કલાકમાં કેરળમાં 265 નવા કેસ નોંધાયા છે, જે બાદ રાજ્યમાં કુલ કેસ વધીને 2606 થઈ ગયા છે. જ્યારે કર્ણાટકમાં કુલ કેસ 13 થી વધીને 105 થયા છે. દેશમાં કોરોનાથી સંક્રમિત દર્દીઓની કુલ સંખ્યા 4,50,07,212 પર પહોંચી ગઈ છે. કોરોનાથી મૃત્યુઆંક 5,33,328 છે. આ આંકડો શુક્રવારે સવારે 8 વાગ્યા સુધીનો છે. કોરોનાને હરાવીને સ્વસ્થ થયેલા લોકોની સંખ્યા 4,44,70,887 છે અને રિકવરી રેટ 98.81 ટકા છે. સ્વાસ્થ્ય મંત્રાલયના જણાવ્યા અનુસાર, દેશમાં અત્યાર સુધીમાં 220.67 કરોડ લોકોને કોરોનાની રસી આપવામાં આવી છે.
