સ્માર્ટ મીટરના વિરોધમાં ઉગ્ર આંદોલન છેડવાની કોંગ્રેસની તૈયારી

• જનતાનો અવાજ સડકથી સંસદ સુધી પહોંચાડાશે
• સ્માર્ટ મીટર લગાવી પ્રજાના 500 કરોડ એડવાન્સમાં ખંખેરવાનો કારસો
• સ્માર્ટ મીટર ફરજિયાત શું કામ? ગ્રાહક પર નિર્ણય છોડો: અમિત ચાવડા

ગુજરાતમાં 1.64 કરોડ સ્માર્ટ પ્રિ-મીટર લગાવવી પ્રજાના ખીસ્સામાંથી 500 કરોડ એડવાન્સમાં પડાવી લેવાનો કારસો રાજ્ય સરકાર દ્વારા કરવામાં આવ્યો છે. તેમ કોંગ્રેસના ધારાસભ્ય અમિત ચાવડાએ જણાવ્યું છે.

ગુજરાત વિધાનસભા કોંગ્રેસ પક્ષના નેતા અમિત ચાવડાએ વધુમાં જણાવ્યું હતું કે, ગુજરાતની જનતા મોંઘવારીમાંથી રાહતની રાહ જોઇને બેઠી છે, ઘર ચલાવવું મુશ્કેલ થઇ રહ્યું છે, બાળકોની ફી ભરવી મુશ્કેલ છે ત્યારે સરકાર રાહત આપવાને બદલે સ્માર્ટ મીટરનાready

નામે લુંટવાનો કારસો ઘડી રહી છે.

ગુજરાતમાં સ્માર્ટ મીટર લગાવવાનો ઠેર-ઠેર વિરોધ થઇ રહ્યો છે. વડોદરા, રાજકોટ, સુરત, સુરેન્દ્રનગર અને જામનગર જ્યાં પણ મીટરો લગાવવાની શરૂઆત થઇ જેમાં વ્યાપક ફરિયાદો, મીટરના છબરડા, લુંટ સામે પ્રજાનો ઉગ્ર વિરોધ તેમજ વીજ કંપનીઓ અને પ્રજા વચ્ચે સંઘર્ષની સ્થિતિનું નિર્માણ થયેલ છે. પ્રજાની ફરિયાદો છે કે સ્માર્ટ મીટર લગાવતા 1000 રૂપિયા માસિક બીલ આવતું હતું તેમને રોજ 350 રૂપિયા કપાવવા લાગ્યા છે. 2 મહિનાનું બીલ 4500 આવતું હતું એના બદલે 20 દિવસમાં 4000 રૂપિયાનું રીચાર્જ પૂર્ણ થઇ ગયું. સ્માર્ટ મીટરનો વિકલ્પ કેમ નહિ? સ્માર્ટ મીટર ફરજીયાત શું કામ? મોબાઈલમાં પ્રી.પેઈડ અને પોસ્ટ પેઈડનો વિકલ્પ હોય તો સ્માર્ટ મીટરમાં કેમ નહિ? રીચાર્જ કરાવવા સ્માર્ટ ફોન જોઇશે. ગરીબો સ્માર્ટ ફોન ક્યાંથી લાવશે. સરકાર સ્માર્ટ મીટર સાથે સ્માર્ટ ફોન આપશે? ગુજરાતમાં 1.64 કરોડ સ્માર્ટ પ્રી. પેઈડ મીટર લગાવવાનો પ્રોજેક્ટ છે અને તેમાં મીટર દીઠ 300 રૂપિયા ફરજીયાત બેલેન્સ તરીકે એડવાન્સ ભરવાના હોવાથી ગુજરાતની પ્રજાના 500 કરોડ રૂપિયા એડવાન્સ પડાવી લેવાનો કારસો રચાયો છે.

એક તરફ મોંઘી વીજળી છે તેમાં કોઈ રાહત મળતી નથી, ગ્રાહકોને જે સુવિધાઓ મળવી જોઈએ તે સુવિધાઓમાં કોઈ વધારો થતો નથી પણ પોતાના માનીતા, મળતીયાઓની કંપનીઓ માટે દિન-પ્રતિદિન આવા તઘલખી નિર્ણયો લઇ પ્રજાના ખિસ્સામાંથી લઇ ઉઘાડી લુંટ ચલાવવામાં આવે એવા જે પ્રયત્નો થઇ રહ્યા છે તેનો સખત વિરોધ કરવામાં આવશે.

સરકાર સ્માર્ટ મીટર લગાવવાની નીતિનો પુન:વિચાર નહિ કરે, પ્રજા ઉપર જબરજસ્તી થોપશે તો સ્માર્ટ મીટર લગાવતા અટકાવવા માટે પ્રજાની સાથે રહી સવિનય કાનુન ભંગની લડત લડીશું અને જરૂર પડશે તો રસ્તા ઉપર પણ ઉતરીશું અને ગુજરાતની જનતાના અવાજને સડકથી લઈને સંસદ સુધી પહોંચાડીશું તેવું અમિત ચાવડાએ જણાવ્યું હતું.

25 હજાર કરોડના ડિજિટલ મીટર હવે કચરામાં જશે?

3-વર્ષ પહેલાં સમગ્ર દેશમાં 1200 પ્રતિ મીટરના ખર્ચે ડિજિટલ મીટરો સ્થાપિત કરવામાં આવ્યા હતા. હવે લગભગ 25000 કરોડના આ મીટરો કચરો છે. સ્માર્ટ ઈલેક્ટ્રીક મીટરએ મીટરનું ઉત્પાદન કરતી કેટલીક કંપનીઓને ફાયદો પહોંચાડવાની એક સ્માર્ટ રીત છે. જેમ કે સિક્યોર મીટર જે ભાજપના અશોક શિંગલના પરિવાર, જીનસ પાવર્સ વગેરે સાથે જોડાણ ધરાવે છે.

20.42 કરોડથી વધુ મીટર, 54 લાખ  1 લાખ પ્રતિ મીટર સ્માર્ટ ડીટી મીટર અને 1.98 લાખ  4-5 લાખ પ્રતિ મીટર સ્માર્ટ ફીડર મીટર આરડીએસએસ સુધારેલ વિતરણ ક્ષેત્ર યોજના હેઠળ બદલવામાં આવે છે. તેની પાસે કેન્દ્ર સરકાર તરફથી 97,631 કરોડ સાથે 3 લાખ ગ્રોસ બજેટરી સપોર્ટ છે. 2021 થી 25-26 સુધીના પાંચ વર્ષમાં થાય છે.  ટર્કી કોન્ટ્રાક્ટ વત્તા પ્રતિ મીટર 1800ની સરેરાશ કિંમત સાથે સ્માર્ટ મીટર ખરીદવામાં આવે છે. માત્ર ત્રણ વર્ષ પહેલાં સમગ્ર દેશમાં લગભગ 1200 પ્રતિ મીટરના ખર્ચે ડિજિટલ મીટરો સ્થાપિત કરવામાં આવ્યા હતા. હવે લગભગ 25000 કરોડના આ મીટરો કચરો છે. લાખો પરિવારો અને ખેડૂતો પાસે યોગ્ય વિતરણ ગ્રીડ, ઈલેક્ટ્રિક કનેક્શન નથી, અમને પણ પાવરનો પુરવઠો ઓછો છે, શું તેમને પહેલા વીજ પુરવઠો પૂરો પાડવા પર ધ્યાન ન આપવું જોઈએ?

પરંપરાગત મીટરમાં, ગ્રાહકોને બિલ ભરવા માટે દર બે મહિને અને કેટલાક દિવસો પછી બિલ મળતું હતું, હવે ઇલેક્ટ્રિક બોર્ડ અગાઉથી બિલ એકત્રિત કરશે? શું સરકાર પગાર અગાઉથી ચૂકવે છે? શું તે ગ્રાહકોને વ્યાજનો લાભ આપશે? આડકતરી રીતે મીટરની કિંમત, તેનો ઓ એન્ડ એમ ગ્રાહકો પાસેથી વસૂલવામાં આવશે.

દર બે વર્ષે ગુજરાતમાં ચક્રવાત આવે છે અને ઈલેક્ટ્રીક પોલ અને વાયરો નીચે પડી જાય છે, અને ગુજરાત સરકાર તેમને પુન:જીવિત કરવા માટે લગભગ 2000-2500 કરોડ ખર્ચે છે, જો ઉપરોક્ત રકમ ભૂગર્ભ કેબલ પર ખર્ચવામાં આવે તો ઓછી ચોરીને કારણે લાઇન લોસ ઘટશે. અને પુરવઠાને અસર થશે નહીં અને આ રીતે લાઇન લોસ અને ચોરીમાં 12-15% બચત થશે જ્યારે મીટર બદલવાથી માત્ર 2-3% બચત પ્રાપ્ત થશે.

મીટરના પુરવઠા, પૂર્વ લાયકાત માપદંડો, તેના ઓએન્ડએમના શુલ્ક વગેરે માટે એજન્સીઓની પસંદગી કેવી રીતે કરવામાં આવી તે અંગે સંપૂર્ણ ગુપ્તતા છે. મોનિટરિંગ એજન્સીઓ કેન્દ્રિય છે. શું આ બધું અમુક સપ્લાયર્સની તરફેણ કરવા માટે કરવામાં આવી રહ્યું છે? જે દેશમાં 80 કરોડ વસ્તી ખોરાક માટે સરકાર પર નિર્ભર છે, તે કેવી રીતે તેમના પર ઓનલાઈન બિલ ભરવાના ખર્ચનો બોજ નાખવાનું વિચારી શકે છે જેમાં તેમના પર સર્વિસ ચાર્જ વસૂલવામાં આવશે, જેમાં તેમને સ્માર્ટ ફોન લેવાની અને ચૂકવણી કરવાની ફરજ પાડવામાં આવશે. ઇન્ટરનેટનો રિકરિંગ ખર્ચ પણ. શું આવી ગરીબીમાં તે શક્ય છે? સરકાર કરી શકે છે. લોકો પાસે સ્માર્ટ ફોન અને ઈન્ટરનેટ ફરજિયાત હોય એવી અપેક્ષા છે?