અમદાવાદના વેપારીને સોશિયલ મીડિયા પર ભંગાર આયાત કરાવી દેવાની લાલચ આપીને અમેરિકાના ભેજાબાજોએ ૨૨ લાખ રૂપિયાનો ચુનો ચોપડયા
ઓટવના વેપારી, હાર્દિક શાહ, જે ભંગારની આયાત નિકાસનો સોદો કરે છે, તેણે મંગળવારે અમદાવાદના સિટી પોલીસના સાયબર સેલમાં ફરિયાદ નોંધાવી છે કે, વિદેશમાં આવેલા છેતરપિંડી કરનારાઓ દ્વારા તેની છેતરપિંડી કરવામાં આવી છે.
તેની કરેલી ફરિયાદ મુજબ સોશિયલ મીડિયા પર સ્ક્રેપ ડીલરો હોવાનું જણાતા આરોપીએ શાહની ૩૧,૬૬૦ યુએસ ડોલર એટલે કે રૂ.૨૨,૩૫,૯૬૨ની છેતરપિંડી કરી હતી. તેણે ચૂકવેલ માલ ન મળતાં શાહે યુ.એસ. પ્રવાસ પણ કર્યો હતો અને યુએસ રાજ્ય ફ્લોરિડામાં પોલીસમાં ફરિયાદ નોંધાવી હતી.
શાહે સિટી સાયબર સેલ સાથેની એફઆઈઆરમાં ઉલ્લેખ કર્યો છે કે, ૨૦૦૯ થી તે આયાત-નિકાસના ધંધામાં કાર્યરત છે અને ઓઢવ ઔદ્યોગિક વસાહતની ઓફિસમાંથી ચલાવે છે. તેમણે સ્વીકાર્યું કે ભારત સરકાર દ્વારા જારી કરાયેલ આયાત-નિકાસ માટેનું લાઇસન્સ તેની પાસે છે, તેમ છતાં તેને ભંગારમાં વિદેશી વ્યવહાર કરવાનો બહુ અનુભવ નથી. સાયબર સેલના અધિકારીઓએ જણાવ્યું હતું કે તેઓ ચાર આરોપીઓ, બ્રાયન એન્ડરસન, એરિક ન્યુગિન, માર્ક લોરેન્સ અને ખાતાધારક લુકાનીયા મેટાલી એસઆરએલને શોધી કાઢવા યુએસમાં તેમના સમકક્ષો સાથે સંપર્કમાં છે.
શાહે જણાવ્યું છે કે તેઓ સોશિયલ મીડિયા – ઇમ્પોર્ટ-એક્સપોર્ટ વર્લ્ડ વાઇડ બિઝનેસ ઓચ્યુનિટીઝના મોટા જૂથના સભ્ય છે, જેમાં લગભગ ૨૦૦૦ સભ્યો છે. જાન્યુઆરી ૨૦૧૯ માં, ન્યુગિએન જૂથમાં લગભગ દર બીજા દિવસે કર્મ રજૂ કરતી હતી, જેમાં ફર્મ લુકાનીયા મેટાલી એસઆરએલ અને તેના સાથીઓ, માર્ક લોરેન્સ અને બ્રાયન એન્ડરસનની સેલફોન નંબરોની વિગતો છે.
શાહના કહેવા મુજબ, ત્રણેય લોકોએ તેને સસ્તા દરે કાસ્ટ આયર્ન સ્ક્રેપની ઓફર સાથે ખાતરી આપી હતી અને કાસ્ટ આયર્ન સ્ક્રેપ માટે પ્રતિ ટન ૨૭૫ યુએસ ડોલરમાં ૩૧, ૬૬૦ ડોલરની આગોતરી રકમ લીધી હતી. તેઓએ શાહને કહ્યું કે તેઓએ તેમનો માલ મોકલ્યો છે, અને શાહે શિપિંગ કંપનીની વેબસાઇટ પણ તપાસ કરી હતી. જો કે સ્ક્રેપ કદી પહોંચ્યો ન હતો અને છેતરપિંડી કરનારાઓએ શાહનો કોલ આવવાનો ઇનકાર કર્યો હતો.
