- મુંબઈના ડીવાય પાટિલ સ્ટેડિયમમાં 21 જાન્યુઆરીએ કોલ્ડપ્લે કોન્સર્ટને લઇ ચાહકોમાં ભારે ઉત્તેજના
કોલ્ડપ્લે કોન્સર્ટની ટિકિટો વેચાણ પર જવાની થોડી મિનિટો પહેલાં ટિકિટિંગ પ્લેટફોર્મ બુકમાયશો ક્રેશ થતાં હજારો આતુર ચાહકો રવિવારે નિરાશ થઈ ગયા હતા. ત્યારે બ્રિટિશ રોક બેન્ડ 18 અને 19 જાન્યુઆરી, 2025 ના રોજ મુંબઈના ડી વાય પાટીલ સ્ટેડિયમમાં તેનું “મ્યુઝિક ઓફ ધ સ્ફિયર્સ વર્લ્ડ ટૂર” લાવી રહ્યું છે, જે 8 વર્ષના અંતરાલ પછી ભારતમાં પરત ફરી રહ્યું છે.
બપોરે 12 વાગ્યે, જ્યારે ટિકિટનું વેચાણ શરૂ થવાનું હતું, ત્યારે બુક માય શો ની વેબસાઇટ અને એપ પ્રતિભાવવિહીન રહી હતી. આ સાથે ચાહકો ટિકિટિંગ પૃષ્ઠને ઍક્સેસ કરવામાં અસમર્થ રહ્યા હતા. ત્યારે સોશિયલ મીડિયાના પ્લેટફોર્મ ફરિયાદોથી ભરાઈ ગયા હતા, કારણ કે વપરાશકર્તાઓએ તેમની નિરાશા વ્યક્ત કરી હતી.
“બુકમાયશોને બુકિંગ માટે ટિકિટિંગ પાર્ટનર તરીકે શા માટે પસંદ કરવામાં આવ્યું, તે ક્યારેય સમજાયું નહીં. તેથી તેઓએ વર્લ્ડ કપની ટિકિટો અને હવે કોલ્ડપ્લે સીન સાથે ગડબડ કરી હતી. આ સાથે અગાઉ ટ્વિટર પર એક નિરાશ ચાહકે લખ્યું છે કે એપ ક્રેશ થઈ ગઈ છે.”
ટિકિટનું વેચાણ શરૂ થયા પછી પણ, ઘણા વપરાશકર્તાઓએ વેબસાઇટ પર સતત સમસ્યાઓની ફરિયાદ કરી હતી, જે બુકિંગ પ્રક્રિયાને આગળ વધતી અટકાવે છે. તેના કારણે ઘણા ચાહકો ટિકિટ મેળવવાનું ચૂકી ગયા હતા. કોલ્ડપ્લેએ 21 જાન્યુઆરી, 2025ના રોજ ભારતમાં બીજો શો ઉમેર્યો છે અને અન્ય શોની જેમ તે મુંબઈના ડીવાય પાટિલ સ્ટેડિયમમાં યોજાશે.
આ સાથે બહુપ્રતિક્ષિત શો માટેની ટિકિટની કિંમત રૂ. 2,500 થી રૂ. 12,500 સુધીની છે, જેમાં પ્રતિ ટ્રાન્ઝેક્શન 4 ટિકિટની મર્યાદા છે. તેમજ કોન્સર્ટ એક અદભૂત ઇવેન્ટ બનવાનું વચન આપે છે, જેમાં કોલ્ડપ્લેના નવીનતમ આલ્બમ “મ્યુઝિક ઓફ ધ સ્ફિયર્સ” ના હિટ ગીતો તેમજ “યલો” અને “વિવા લા વિડા” જેવા પ્રિય ક્લાસિક રજૂ કરવામાં આવ્યા છે.
ભારતમાં કોલ્ડપ્લેનું આ બીજું પ્રદર્શન છે, જેણે અગાઉ 2016માં મુંબઈમાં ગ્લોબલ સિટીઝન ફેસ્ટિવલમાં હાજરી આપી હતી. તેમજ માર્ચ 2022 માં લોન્ચ થયા પછી બેન્ડની વર્લ્ડ ટુરમાં વિશ્વભરમાં 10 મિલિયનથી વધુ ટિકિટો વેચાઈ છે.
