કોકોનટ કે નારિયેળએ વજન ઉતારવા માંગતા લોકોનું ફેવરિટ ફૂડ નથી. તેમાં ફેટ હોવાના કારણે વજન ઉતારવા માટે કોકોનટ સારો આહાર માનવામાં નથી આવતો. પરંતુ તાજેતરમાં એક સંશોધનમાં પ્રકાશિત થયું છે કે નારિયેળ પાણી, કોકોનટ ફ્લેક્સ, કોકોનટ કૂકીઝ, કોકોનટ આઈસ્ક્રીમ સુધ્ધાં તમારી વજન ઉતારવામાં મદદ કરી શકે છે.
કોકોનટમાં જે સેચ્યુરેટેડ ફેટ કે ચરબી રહેલી હોય છે તે અન્ય ચરબી કરતા અલગ પ્રકારની હોય છે. તેનો ભાગ્યે જ શરીરમાં સંગ્રહ થાય છે. ઉલ્ટું, તે કાર્બોહાઈડ્રેટ્સની જેમ જ શરીરને એનર્જી પૂરી પાડે છે. તેનો ફાયદો એ છે કે તે કાર્બ્સ જેવી એનર્જી તો પૂરી પાડે છે પરંતુ તેના કારણે બ્લડ શુગર લેવલ વધતું નથી. ઓબેસિટી અને મેટાબોલિક ડિસઓર્ડર વિષેની એક આંતરરાષ્ટ્રીય જર્નલનો દાવ છે કે કોકોનટમાંથી મળતા તત્વોને કારણે શરીરમાં ઓછી ચરબીનો સંગ્રહ થશે.
દૈનિક ઇન્ટેકમાં પણ કોકોનટ અનાજ, ચોખા જેવા પદાર્થોમાંથી મળતા કાર્બોહાઈડ્રેટનો સારો વિકલ્પ બની શકે છે. 100 ગ્રામ કોપરામાંથી માંડ 15 ગ્રામ જેટલી કાર્બોહાઈડ્રેટ મળે છે. આથી જો તમે તમારા ભોજનમાંથી કાર્બોહાઈડ્રેટ ઓછું કરવા માંગતા હોય તો તમે કોકોનટને તમારા દૈનિક ભોજનમાં સ્થાન આપી શકો છો.જો કે દૈનિક નિશ્ચિત માત્રા કરતા વધુ પ્રમાણમાં કોકોનટ લેવું એવોઈડ કરવું જોઈએ. કારણ કે તે ફેટ ઓછી કરવામાં મદદ કરે છે પરંતુ તેમાં કેલેરીઝ વધુ માત્રામાં હોય છે. 100 ગ્રામ કોકોનટમાં 354 કેલેરી હોય છે. આથી તમારે કોકોનટ લેવાની માત્રા ઓછી કરી દેવી જોઈએ. નિષ્ણાંત ડાયેટિશિયન્સના મતે દિવસમાં તમે જેટલી કેલેરીઝ લેતા હોવ તેના 10 મા ભાગની કેલેરી કોકોનટમાંથી લેવી જોઈએ. અર્થાત્ તમે દૈનિક 1500 કેલેરી ક્ધઝ્યુમ કરતા હોવ તો 150 ગ્રામ કેલેરી કોકોનટમાંથી મેળવવી જોઈએ.
અસ્વીકરણ : અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે અબતક મીડિયા કોઈપણ માહિતીનું સમર્થન કે પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો.
