મુખ્યમંત્રીએ દક્ષિણ ગુજરાતના વલસાડ-ભરૂચ-સુરત-નવસારીના કલેકટરો સાથે વિડીયો કોન્ફરન્સ યોજી કામગીરી સમીક્ષા હાથ ધરી છે. મુખ્યમંત્રી સ્વયં સરકારના વિભાગોની કામગીરીનું રિયલ ટાઇમ મોનિટીંગ ડેશ-બોર્ડી કરે છે.
મુખ્યમંત્રી વિજયભાઇ રૂપાણીએ રાજ્યના જિલ્લા તંત્રોને પ્રજાકીય પ્રશ્નો અને પ્રજાને સ્પર્શતી બાબતોની સમસ્યાઓનું નિશ્ચિત સમયાવધિમાં નિવારણ લાવવા તાકીદ કરી છે. વિજયભાઇ રૂપાણીએ આજે મુખ્યમંત્રી નિવાસસનેથી સી.એમ. ડેશ-બોર્ડના વિવિધ ઇન્ડીકેટર્સમાં જિલ્લાઓના પરફોર્મન્સની સમીક્ષા કરી હતી. તેમણે દક્ષિણ ગુજરાતના ભરૂચ, સુરત, વલસાડ અને નવસારી જિલ્લાના કલેકટરો સાથે વિડીયો કોન્ફરન્સ યોજીને સી.એમ. ડેશ-બોર્ડમાંની ગતિવિધિઓ અંગે તેમના જિલ્લાઓમાં થયેલી કામગીરીનો જાયજો મેળવ્યો હતો.
આ સી.એમ. ડેશ-બોર્ડ મારફતે મુખ્યમંત્રી સ્વયં સરકારના બધા જ વિભાગોની કામગીરી અને પડતર રહેલી બાબતોનું મોનિટરીંગ કરે છે. રર૦૦ જેટલા ઇન્ડીકેટર્સમાં સંબંધિત વિભાગોની પ્રગતિનું રિયલ ટાઇમ મોનિટીંગ આ ડેશ-બોર્ડ મારફતે થાય છે.
મુખ્યમંત્રી આ ડેશ-બોર્ડની કામગીરી સંદર્ભે સમયાંતરે દરેક જિલ્લાના કલેકટરો, જિલ્લા પોલીસ અધિક્ષકો અને જિલ્લા વિકાસ અધિકારીઓ સાથે વિડીયો કોન્ફરન્સી સમીક્ષા અને માર્ગદર્શન કરતા રહે છે. આ શૃંખલામાં તેમણે આજે દક્ષિણ ગુજરાતના ચાર જિલ્લાઓના આ અધિકારીઓ સાથે વિડીયો કોન્ફરન્સ યોજી સમીક્ષા હાથ ધરી હતી. આ સમીક્ષા વેળાએ મુખ્યમંત્રીના અગ્ર સચિવ મનોજકુમાર દાસ, ઓ.એસ.ડી. ડી. એચ. શાહ તથા અધિકારીઓ જોડાયા હતા.
