ગર્લ્સ હોસ્ટેલના વોશરૂમમાં હિડન કેમેરા આંધ્ર પ્રદેશના કૃષ્ણા જિલ્લામાં એક ગર્લ્સ હોસ્ટેલમાં છુપાયેલ કેમેરા મળી આવ્યો છે. કેમેરા મળી આવતા હોસ્ટેલમાં ખળભળાટ મચી ગયો હતો. પોલીસે માહિતી આપી હતી કે બોયઝ હોસ્ટેલના સિનિયર વિદ્યાર્થી વિજય કુમારની ઘટનાના સંબંધમાં ધરપકડ કરવામાં આવી છે. CM ચંદ્રબાબુ નાયડુએ આ મામલે તપાસના આદેશ આપ્યા છે. રાજ્યમંત્રીએ પોતે કોલેજની મુલાકાત લીધી હતી.
આંધ્રપ્રદેશના મુખ્યમંત્રી ચંદ્રબાબુ નાયડુએ શુક્રવારે કૃષ્ણા જિલ્લામાં એસઆર ગુડલાવલેરુ એન્જિનિયરિંગ કોલેજની ગર્લ્સ હોસ્ટેલના વોશરૂમમાં છુપાયેલા કેમેરા લગાવવાના આરોપોની તપાસના આદેશ આપ્યા છે.
મુખ્યમંત્રીએ વિદ્યાર્થીઓને વિનંતી કરી કે જો તેમની પાસે આ ઘટના અંગે કોઈ પુરાવા હોય તો તેઓ તેમની સાથે શેર કરે. આ ઘટનાને લઈને ગુરુવારે મધરાતથી સેંકડો વિદ્યાર્થીઓ વિરોધ પ્રદર્શન કરી રહ્યા છે.
