મુખ્યમંત્રી વિજયભાઈ રૂપાણીનો આજે ૬૩મો જન્મદિવસ છે ત્યારે આજનો દિવસ તેઓ પોતાના હોમટાઉનમાં ગાળવાના છે. અહીં તેઓ દિવસ દરમિયાન ભરચ્ચક કાર્યક્રમોમાં હાજરી આપવાના છે. આ દરમિયાન આજે સવારે તેઓએ શિવાલયમાં ભગવાન શિવ સમક્ષ શિશ ઝુકાવીને જળાભિષેક કર્યો હતો. આ સાથે આજે અનેક પદાધિકારીઓ અને અધિકારીઓએ મુખ્યમંત્રીને જન્મદિવસની શુભેચ્છા પાઠવી હતી. મેયર બીનાબેન આચાર્ય, શહેર ભાજપ પ્રમુખ કમલેશ મિરાણી, ધારાસભ્ય ગોવિંદભાઈ પટેલ, પૂર્વ ધારાસભ્ય ભાનુબેન બાબરીયા તેમજ કલેકટર ડો.રાહુલ ગુપ્તા, શહેર પોલીસ કમિશ્નર મનોજ અગ્રવાલ, પીજીવીસીએલના એમ.ડી. ભાવીન પંડયા, મ્યુ.કમિશ્નર બંછાનિધિ પાની, એસપી બલરામ મીણા સહિતના પદાધિકારીઓ અને અધિકારીઓએ ગુલદસ્તા સો મુખ્યમંત્રી વિજયભાઈને શુભકામનાઓ પાઠવી હતી.
