સૌરાષ્ટ્રના પાટનગર રાજકોટની સિવિલ હોસ્પિટલ ખાતે આવેલી તબીબી અધિક્ષકની કચેરીના દરવાજા પાસે જ એક નહી બે બે ડાઘીયા કુતરા અડીંગો જમાવીને બેસી રહે છે. તબીબી અધિક્ષકને મળતા પહેલાં બંને શ્ર્વાનનો સામનો કરવો પડે તેવી સ્થિતી કાયમી બની રહી છે. હોસ્પિટલમાં સિક્યુરીટી ગાર્ડ હોવા છતાં શ્ર્વાનને તગડવાની તસ્દી લેતા ન હોવાથી તબીબી અધિક્ષકને રજૂઆત કરવી અને મુલાકાત કરવી મુશ્કેલ બને છે. બંને શ્ર્વાને તબીબી અધિક્ષકની કચેરીને પોતાનું રહેઠાણ બનાવી દીધું છે.
