મહારાષ્ટ્ર વિધાનસભાની ૨૮૮ બેઠકો માટે આગામી ૨૧મી ઓકટોબરનાં રોજ યોજાનારી ચુંટણી માટે ગુજરાત પ્રદેશ ભાજપ દ્વારા રાજકોટ શહેર ભાજપનાં આગેવાનોને અલગ-અલગ બેઠકો માટે ચુંટણીની જવાબદારી સોંપવામાં આવી છે. જે અંતર્ગત સ્ટેન્ડિંગ કમિટીનાં ચેરમેન ઉદયભાઈ કાનગડને ઘાટકોપર વેસ્ટ વિધાનસભા બેઠક માટેની જવાબદારી સોંપવામાં આવી હોય તેવો આ બેઠકમાં સમાવિષ્ટ વિસ્તારમાં જોરશોરથી ચુંટણી પ્રચારનાં કાર્યમાં લાગી ગયા છે. તેઓની સાથે શહેર ભાજપ અગ્રણી રાજેશ ઘેલાણી પણ ચુંટણી પ્રચાર કરી રહ્યા છે. ઠેર-ઠેરથી તેઓને જોરદાર આવકાર મળી રહ્યો છે. સ્થાનિકો દ્વારા શહેર ભાજપનાં આગેવાનોનું શાલ ઓઢાડી સન્માન પણ કરવામાં આવ્યું હતું. તેઓની સાથે રામ કદમ, સુર્યકાંત ગૌરી સહિતનાં સ્થાનિક નેતાઓ પણ ચુંટણી પ્રચારમાં લાગી ગયા છે.
