વિધાનસભાના પરિણામો જાહેર થતાની સાથે જ શહેર ભાજપ કાર્યાલય જશ્નનો માહોલ જોવા મળ્યો છે. આગેવાનો–કાર્યકરોએ એકબીજાને મીઠાઈ ખવડાવી વિજયને વધાવી લીધો છે. ઉપરાંત શહેર ભાજપ કાર્યાલયે આતશબાજી કરવામાં આવી છે. એકબીજાને જીતના વધામણા આપવામાં આવી રહ્યાં છે. જયારે બીજી તરફ કોંગ્રેસ કાર્યાલયમાં ગમગીની વ્યાપી જવા પામી છે. હારનો સામનો કરનાર ઉમેદવારોના મોઢા પડી ગયા છે. કાર્યકરો પણ ભારે નિરાશામાં ગરક થઈ ગયા છે. એક રીતે કોંગ્રેસ કાર્યાલયમાં શોકની સુનામી ફરી વળી હોવાનું જણાય રહ્યું છે.
