ડ્રેગનની ચાલબાવહ દરિયાઈ માર્ગે ભારત સામે ભીડવા ચીને આફ્રિકામાં મિલિટરી બેઝ ખડકી નાખ્યું છે!!!

• પોતાને વિશ્વમાં સૌથી તાકતવાર સાબિત કરવા ચીન ગમે તે હદે જઇ શકે છે : ચીને આફ્રિકાની સાથે 13 દેશોમાં સૈન્ય મથકો બનાવવાની તૈયારી કરી લીધી હોવાનો અમેરિકાનો ધગધગતો રિપોર્ટ
•  ભારતની બરાબર સામેની બાજુ જ આફ્રિકાના જીબુટીમાં ચીને આખો લશ્કર કેમ્પ ઉભો કર્યો : હજુ અંગોલા, કેન્યા, સેશેલ્સ, તાન્ઝાનિયા, કંબોડિયા અને યુએઈમાં પણ બેઇઝ કેમ્પ બનાવવાની તૈયારી

ડ્રેગનની મેલી મુરાદથી દરેક દેશો વાકેફ છે. પોતાને વિશ્વમાં સૌથી તાકતવાર સાબિત કરવા ચીન ગમે તે હદે જઇ શકે છે. ચીને આફ્રિકાની સાથે 13 દેશોમાં સૈન્ય મથકો બનાવવાની તૈયારી કરી લીધી હોવાનો અમેરિકાનો ધગધગતો રિપોર્ટ જાહેર થયો છે. આ ઉપરાંત દરિયાઈ માર્ગે ભારત સામે ભીડવા ચીને આફ્રિકામાં મિલિટરી બેઝ પણ ખડકી નાખ્યું છે.

ચીને ઘણા સમય પહેલા જ આખી દુનિયાને પોતાના કબજામાં લેવાનો ઈરાદો વ્યક્ત કર્યો હતો, પરંતુ હવે તે ધીમે ધીમે પોતાના લક્ષ્ય તરફ આગળ વધી રહ્યું છે.  વિવિધ દેશોમાં સૈન્ય મથકો બનાવીને ચીન આખી દુનિયામાં તે કેટલું શક્તિશાળી છે તે સાબિત કરવાનો પ્રયાસ કરી રહ્યું છે.  હવે તેની નજર આફ્રિકા પર છે.  અહીં તમામ પરિસ્થિતિઓ તેના માટે અનુકૂળ છે.  અમેરિકાના મેગેઝિન ફોરેન પોલિસીના રિપોર્ટમાં કહેવામાં આવ્યું છે કે ચીને હવે આફ્રિકાની સાથે 13 દેશોમાં સૈન્ય મથકો બનાવવાની તૈયારી કરી લીધી છે.  છેલ્લા ઘણા વર્ષોથી અહીં સૈન્ય મથક તૈયાર કરવામાં તેણે જે ધીરજ બતાવી છે, હવે તે તે જ ઝડપ સાથે અહીં કામ કરવા માંગે છે.યુએસ ડિફેન્સ ડિપાર્ટમેન્ટના તાજેતરના રિપોર્ટમાં કહેવામાં આવ્યું છે કે ચીન આફ્રિકા સહિત 13 દેશોને પોતાના સૈન્ય મથક તરીકે જોઈ રહ્યું છે.  આ દેશોમાં અંગોલા, કેન્યા, સેશેલ્સ, તાન્ઝાનિયા, કંબોડિયા અને યુએઈનો સમાવેશ થાય છે.

પાછલા એક વર્ષમાં, ચીની અધિકારીઓએ યુએઈ અને કંબોડિયામાં લશ્કરી થાણા બનાવવાના દેશ પર ટિપ્પણી કરવાનું ટાળ્યું છે.  અમેરિકન અખબાર વોલ સ્ટ્રીટ જનરલ અને વોશિંગ્ટન પોસ્ટે પોતાના અહેવાલમાં ચીનની આ યોજનાનો ખુલાસો કર્યો હતો.  પરંતુ અધિકારીઓએ તેના પર ટિપ્પણી કરવાનો ઇનકાર કર્યો હતો.  આ મામલે ચીનનું મૌન એ કહેવા માટે પૂરતું છે કે તે હવે ચિંતિત છે કે દુનિયા તેને કેવી રીતે જોઈ રહી છે.  તે ચિંતા કરે છે કે વિશ્વ તેના લશ્કરના આધુનિકીકરણ અને પ્રગતિને કેવી રીતે જુએ છે.2004 માં, તત્કાલીન ચીનના રાષ્ટ્રપતિ હુ જિન્તાઓએ ઐતિહાસિક મિશનને જાહેર કર્યું કે જેના હેઠળ પીએલએ  વૈશ્વિક ભૂમિકા માટે તૈયાર થવાનું હતું.  તેમણે કહ્યું હતું કે પીએલએને એટલી સક્ષમ બનાવવી પડશે કે તે વિવિધ સૈન્ય કાર્યો કરી શકે.  આ પછી, વર્ષ 2011 માં, ચીને 2011 માં યુદ્ધગ્રસ્ત લિબિયામાંથી તેના 35,000 નાગરિકોને બહાર કાઢ્યા.  ત્યારબાદ વર્ષ 2013માં જ્યારે શી જિનપિંગ રાષ્ટ્રપતિ બન્યા ત્યારે તેમણે બેલ્ટ એન્ડ રોડ જેવા અબજો ડોલરના પ્રોજેક્ટની જાહેરાત કરી હતી.વર્ષ 2015માં ચીને પહેલીવાર સંરક્ષણ સંબંધિત શ્વેતપત્ર બહાર પાડ્યું હતું.

જેમાં પ્રથમ વખત પીએલએને મહત્વ આપવામાં આવ્યું હતું.  આ પછી, જ્યારે વર્ષ 2019 માં શ્વેતપત્ર આવ્યું ત્યારે કહેવામાં આવ્યું હતું કે પીએલએ વિદેશમાં સક્રિયપણે સંસાધનો વધારી રહ્યું છે.  પીએલએના સંશોધકોએ સતત સંશોધન કર્યું છે કે વિદેશોમાં એવી કઈ સુવિધાઓ છે જે ચીનની તરફેણમાં હોઈ શકે છે.વર્ષ 2017માં જ્યારે ચીને આફ્રિકાના જીબુટીમાં પોતાનો પહેલો સૈન્ય મથક શરૂ કર્યો ત્યારે તમામની નજર ચીનની ચાલાકી પર હતી.  આ તેમનો પહેલો લશ્કરી મથક હતો જે બીજા દેશમાં હતો. ત્યારબાદ ગયા વર્ષે યુનાઈટેડ આરબ અમીરાતમાં ભારે રોકાણની જાહેરાતની સાથે બીજા સૈન્ય થાણાનો સંકેત આપ્યો હતો.  આ સાથે જ કંબોડિયામાં પણ રોકાણના બહાને આવા જ સૈન્ય મથક તરફ સંકેત કર્યો છે.ગયા વર્ષે, સેનેગલના ડાકારમાં ચાઇના-આફ્રિકા કોઓપરેશન ગોલ્સ 2015 નામનો દસ્તાવેજ બહાર પાડવામાં આવ્યો હતો.  આ દસ્તાવેજમાં ચીને કોઈપણ સૈન્ય મથકનો ઉલ્લેખ કર્યો નથી.  2018 માં, ચીને ફરીથી ચાઇના-આફ્રિકા સંરક્ષણ અને સુરક્ષા ફોરમ શરૂ કર્યું.

આ દ્વારા ચીને ’શાંતિ’ પર ભાર મૂક્યો હતો અને આગામી એક વર્ષ સુધી આ દિશામાં કામ કરવાનું વચન આપ્યું હતું.  જો આપણે પશ્ચિમ આફ્રિકા પર નજર કરીએ, તો અહીં જે સંસાધનો ઇક્વેટોરિયલ ગિનીમાં છે તે કદાચ જીબુટીમાં પણ નથી.કંબોડિયાની જેમ ઇક્વેટોરિયલ ગિની પણ નિકાસ માટે શ્રેષ્ઠ છે.  અહીંથી 34 ટકા નિકાસ ચીનમાં થાય છે.  તાજેતરના સમયમાં ગિની પર ચીનનું દેવું વધીને જીડીપીના 49.7 ટકા થઈ ગયું છે.  આ સ્થાનથી પીએલએ એટલાન્ટિક મહાસાગરમાં પ્રવેશ મેળવી શકે છે અને તેના ફિક્સ્ડ વિંગ એરક્રાફ્ટને લેન્ડિંગ માટે એરફિલ્ડ્સ સરળતાથી મળી શકે છે.  જનરલ સ્ટીફન ટાઉનસેન્ડ, જેઓ યુએસ આફ્રિકા કમાન્ડના વડા હતા, તેમણે કોંગ્રેસને જણાવ્યું હતું કે એટલાન્ટિકમાં કોઈ બેઝ હોવું ચીનની સૈન્યને અમેરિકન જમીનની નજીક લાવશે.ગિનીમાં આવા ત્રણ એરફિલ્ડ છે જે ચીની વાયુસેના માટે મદદરૂપ સાબિત થઈ શકે છે.  તેમાંથી એક બાટા બંદરની નજીક છે.

બાટા સિવાય, માલાબુ બંદર સૈન્ય હેતુઓ માટે ચીનના દરેક સ્વપ્નને પૂર્ણ કરી શકે છે, જે વિશ્વ પર તેના નિયંત્રણ સાથે સંબંધિત છે.  વર્ષ 2006માં બાટા બંદરના નિર્માણ માટે એક્સપોર્ટ-ઈમ્પોર્ટ બેંક ઓફ ચાઈના દ્વારા નાણાકીય સહાય આપવામાં આવી હતી.  આ બાંધકામ ચીનની સરકારી માલિકીની કોમ્યુનિકેશન ક્ધસ્ટ્રક્શન કંપની ફર્સ્ટ હાર્બર દ્વારા વર્ષ 2014માં કરવામાં આવ્યું હતું.  ત્યારપછી બીજી સરકારી કંપની ચાઈના રોડ એન્ડ બ્રિજ કોર્પે પણ બંદર પર કેટલાક બાંધકામનું કામ કર્યું હતું.  નિષ્ણાતો હવે આ ભાગમાં ચીનના આગામી પગલાની રાહ જોઈ રહ્યા છે.

• મોદીએ અત્યાર સુધી ચીનથી દેશને સુરક્ષિત રાખ્યો તે જ મોટી સિદ્ધિ
• ચીનની સોગઠાબાજી સામે ટકવું ઢીલા પોચાનું કામ નથી!!

ચીનની સોગઠાબાઝી સામે ટકવું કોઈ ઢીલા પોચાનું કામ નથી. કારણકે અત્યાર સુધી ચીને શ્રીલંકા સહિતના અનેક દેશોને પોતાની જાળમાં ફસાવીને પતાવી દીધા છે. જો કે ભારતને ફસાવવાના તેના પેતરા અત્યાર સુધી નાકામ રહયા છે. વડાપ્રધાન મોદી જે અર્થતંત્ર અને સુરક્ષા આ બે મુદા ઉપર કામ કરી રહ્યા છે. અને બન્ને સફળતાની દિશામાં જ છે. તેમાં સુરક્ષા ઉપર સરકારે પ્રાધાન્ય આપ્યું હોય, ભારત વિશાળ જનસંખ્યા ધરાવતો હોવા છતાં બાહ્ય અને આંતરિક રીતે શાંતિપૂર્ણ વાતાવરણમાં આગળ વધી રહ્યો છે. ચીનની સોગઠાબાજીથી ભારત અત્યાર સુધી સુરક્ષિત રહ્યો તે જ એક મોટી સિદ્ધિ ગણી શકાય. કારણકે અત્યાર સુધી ચીનથી બચવુ એ લોઢાના ચણા ચાવવા જેવું જ હતું.