મુખ્યમંત્રીની વિધાનસભા બેઠક હોટ ફેવરિટ: સૌથી વધુ ૨૯ ફોર્મ ઉપડયા

મુખ્યમંત્રીનો મત વિસ્તાર ૬૯-રાજકોટ (પશ્ર્ચિમ) ઉપર રાજયભરની નજર છે. આ બેઠક પામવા તમામ રાજકીય પક્ષો પ્રયત્નો કરી રહ્યા છે. પ્રથમ દિવસે જ ૬૯-રાજકોટ (પશ્ર્ચિમ) બેઠકની ઉમેદવારી નોંધાવવા માટે ૨૯ ઉમેદવારીએ ફોર્મ મેળવ્યા છે.૬૯-રાજકોટ (પશ્ર્ચિમ) બેઠક ઉપર ઉમેદવારી નોંધાવવા માટે કુલ ૨૯ ઉમેદવારોએ ફોર્મ મેળવ્યા છે. જેમાં રીપબ્લીક પાર્ટી ઓફ ઈન્ડિયાના બે ઉમેદવારો પ્રવિણ દેગડા અને પંકજ ચુડાસમા તેમજ બહુજન સમાજ પાર્ટીંના ઉમેદવાર મહેશ મનસુખભાઈ પરમારનો સમાવેશ થાય છે. આ ઉપરાંત ૨૬ અપક્ષ ઉમેદવારોએ ફોર્મ મેળવ્યા છે. રાજકોટ જિલ્લાની આઠેય વિધાનસભા બેઠકોમાં ૬૯-રાજકોટ (પશ્ર્ચિમ) માટે સૌથી વધુ ફોર્મનો ઉપાડ થયો છે.રાજકોટ જિલ્લાની અન્ય બેઠકોની સરખામણીએ ૬૯-રાજકોટ (પશ્ર્ચિમ) માટે બમણી માત્રામાં ઉમેદવારોએ ફોર્મ લીધા છે.