- મહારાષ્ટ્ર વિધાનસભાની ચૂંંટણી સંદર્ભે
- ભારત ડાયમંડ બુર્સ ખાતે જેમ્સ એન્ડ જવેલરી કાઉન્સીલ ઓફ ઇન્ડિયાના સભ્યો સાથે કરશે વાર્તાલાપ
- પ્રદેશ ભાજપ અઘ્યક્ષ સી.આર. પાટીલ પણ આજે મહારાષ્ટ્રમાં સાત સ્થળે કરશે ભાજપના ઉમેદવારોના સમર્થનમાં ચૂંટણી પ્રચાર
મહારાષ્ટ્ર વિધાનસભાની સામાન્ય ચુંટણીના મતદાનના આડે હવે ગણતરીના દિવસો જ બાકી રહ્યા છે. ત્યારે આજે ગુજરાતના મુખ્યમંત્રી ભુપેન્દ્રભાઇ પટેલ મુંબઇમાં ચાર ચુંટણી સભાઓ ગજવશે. ગુજરાત પ્રદેશ ભાજપ અઘ્યક્ષ અને કેન્દ્રીય જળ શકિત મંત્રી સી.આર. પાટીલે ગઇકાલે નંદુબાર, ધુલે, અધિખેડામાં સભાઓ સંબોધી હતી. દરમિયાન આજે જલગાંવ, ભૂસાવલ, વરૂણગાઉ, મુકતેઇનગર અને ઓકરતમાં ચૂંટણી સભાઓને સંબોધશે.
- મુખ્યમંત્રી ભૂપેન્દ્ર પટેલ આજે મુંબઈના ચૂંટણી પ્રવાસે જશે. મહારાષ્ટ્ર વિધાનસભા ચૂંટણી પ્રચાર અંતર્ગત મુખ્યમંત્રી મુંબઈ મહાનગરમાં તેમના પ્રવાસ દરમિયાન એક જ દિવસમાં ચાર જનસભાઓને સંબોધન કરવાના છે.
- મુખ્યમંત્રી ભૂપેન્દ્ર પટેલ આજે સવારે 10 વાગ્ય દહીસર વિધાનસભા વિસ્તારમાં ગુજરાતી બિઝનેસ કમ્યુનિટી સાથે “ચાય પે ચર્ચા” માં સહભાગી થઈને મુંબઈમાં તેમના ચૂંટણી પ્રચાર અભિયાનનો પ્રારંભ કર્યો હતો.
- તેમના આ પ્રવાસ દરમિયાન બાંદ્રા કુર્લા ભારત ડાયમંડ બુર્સ ખાતે જેમ્સ એન્ડ જ્વેલરી કાઉન્સિલ ઓફ ઇન્ડિયાના સભ્યો સાથે પણ મુખ્યમંત્રી સંવાદ-વાર્તાલાપ કરવાના છે.
- મુખ્યમંત્રી ભૂપેન્દ્ર પટેલ ત્યારબાદ બપોરે જોગેશ્વરી વેસ્ટમાં ગુજરાત ભવન ખાતે બૃહદ મુંબઈ ગુજરાતી સમાજ આયોજિત જનસભામાં ઉપસ્થિત રહેશે.
- આ જન સભામાં મુંબઈ મહાનગરના 140થી વધુ ગુજરાતી સમાજ સંગઠનોના પ્રતિનિધિઓ જોડાવાના છે.
- ભૂપેન્દ્ર પટેલ મુંબઈમાં શનિવારે સાંજે વર્સોવા વિધાનસભા બેઠકના ઉમેદવારના સમર્થનમાં મહાડા ગ્રાઉન્ડ, ઓશીવારા મેટ્રો સ્ટેશન જોગેશ્વરી વેસ્ટમાં આયોજિત સભામાં સંબોધન કરશે .
- ત્યાર બાદ તેઓ અંધેરી વિધાનસભા મત ક્ષેત્રના ઉમેદવારના સમર્થનમાં રામ મંદિર, મરોલ, અંધેરી ખાતે સભા સંબોધશે.
- મુખ્યમંત્રી આ સભા પૂર્ણ કરીને ઘાટકોપર ઇસ્ટ વિધાનસભા મત ક્ષેત્રના ઉમેદવારના સમર્થનમાં જનસભાને પોલીસ હોકી ગ્રાઉન્ડ ખાતે સંબોધન કરવાના છે.
- મુખ્યમંત્રી મહારાષ્ટ્ર વિધાન સભાની આગામી સમયમાં યોજાનારી ચૂંટણીઓના ઝંઝાવાતી પ્રચાર અંતર્ગત એક જ દિવસમાં ચાર જન સભાઓને સંબોધન કરીને શનિવારે મોડી રાત્રે ગાંધીનગર પરત આવશે.
- ગુજરાત પ્રદેશ ભાજપ અઘ્યક્ષ અને કેન્દ્રીય જળ શકિત મંત્રી સી.આર. પાટીલ બે દિવસથી મહારાષ્ટ્રમાં જોરશોરથી ચુંટણી પ્રચાર કરી રહ્યા છે. તેઓએ ગઇકાલે અલગ અલગ ત્રણ સભાઓ સંબોધી હતી. દરમિયાન આજે અલગ અલગ સાત સ્થળોએ ચુંટણી પ્રવાસ કરશે જલગાર્ંવ, ભૂસાવલ, વરણ ગાઉ, મુકતેઇનગર, ઓકરત, રાવેર અને સ્વડામાં ચુંટણી સભાઓ સંબોધશે.
