વડોદરા-જામનગર ઈન્ટરસિટી એકસપ્રેસ રદ તેમજ મુંબઈ સેન્ટ્રલ-હાપા દુરાંતો એકસપ્રેસ સહિત ટ્રેનમાં આશિક રીતે રદ કરાય
રાજકોટ ડિવિઝનના સુરેન્દ્રનગર-રાજકોટ સેક્શનમાં આવેલા વાંકાનેર, અમરસર અને સિંધાવદર સ્ટેશનો પર ડબલ ટ્રેકના કામ માટે બ્લોક લેવામાં આવશે જેના કારણે 10 જૂન, 2022 થી 13 જૂન, 2022 સુધી રેલ ટ્રાફિકને અસર થશે. રાજકોટ ડિવિઝનના સિનિયર ડીસીએમ અભિનવ જેફ ના જણાવ્યા અનુસાર,વડોદરા – જામનગર ઇન્ટરસિટી એક્સપ્રેસ 11.06.2022 અને 12.06.2022 ના રોજ ,જામનગર – વડોદરા ઇન્ટરસિટી એક્સપ્રેસ 12.06.2022 અને 13.06.2022 ના રોજ રદ કરેલ છે તેમજ મુંબઈ સેન્ટ્રલ – હાપા દુરાન્તો એક્સપ્રેસ 10.06.2022 અને 11.06.2022 ના રોજ મુંબઈ સેન્ટ્રલથી અમદાવાદ સુધી દોડશે. આમ, આ ટ્રેન અમદાવાદ-હાપા તેમજ હાપા – મુંબઈ સેન્ટ્રલ દુરાન્તો એક્સપ્રેસ 11.06.2022 અને 12.06.2022 ના રોજ અમદાવાદથી મુંબઈ સેન્ટ્રલ સુધી દોડશે. આમ આ ટ્રેન હાપા-અમદાવાદ વચ્ચે આંશિક રીતે રદ રહેશે.
ભાવનગર-ઓખા એક્સપ્રેસ 10.06.2022 અને 11.06.2022ના રોજ ભાવનગરથી સુરેન્દ્રનગર સુધી દોડશે. આમ આ ટ્રેન સુરેન્દ્રનગર-ઓખા વચ્ચે તેમજ ઓખા – ભાવનગર એક્સપ્રેસ 11.06.2022 અને 12.06.2022ના રોજ સુરેન્દ્રનગરથી ભાવનગર સુધી દોડશે. આમ, આ ટ્રેન ઓખા-સુરેન્દ્રનગર વચ્ચે આંશિક રીતે રદ રેશે. અમદાવાદ-સોમનાથ ઇન્ટરસિટી એક્સપ્રેસ 11.06.2022 અને 12.06.2022ના રોજ અમદાવાદથી સુરેન્દ્રનગર સુધી દોડશે. આમ આ ટ્રેન સુરેન્દ્રનગર-સોમનાથ વચ્ચે આંશિક રીતે રદ રહેશે.
સોમનાથ-અમદાવાદ ઇન્ટરસિટી એક્સપ્રેસ 11.06.2022 અને 12.06.2022ના રોજ સુરેન્દ્રનગરથી અમદાવાદ સુધી દોડશે. આમ આ ટ્રેન સોમનાથ-સુરેન્દ્રનગર વચ્ચે આંશિક રીતે રદ રહેશે. બાંદ્રા-જામનગર હમસફર એક્સપ્રેસ 11.06.2022 ના રોજ બાંદ્રાથી સુરેન્દ્રનગર સુધી ચલાવવામાં આવશે. આમ આ ટ્રેન સુરેન્દ્રનગર-જામનગર વચ્ચે તેમજ જામનગર – બાંદ્રા હમસફર એક્સપ્રેસ 12.06.2022 ના રોજ સુરેન્દ્રનગરથી બાંદ્રા સુધી ચલાવવામાં આવશે. આમ આ ટ્રેન જામનગર-સુરેન્દ્રનગર વચ્ચે આંશિક રીતે રદ રહેશે.
ઉલ્લેખનીય છે કે ઉપરોક્ત તમામ તારીખો ટ્રેનોના મૂળ સ્ટેશન પરથી ઉપડવાની છે. રેલવે તંત્ર મુસાફરોને વિનંતી કરે છે કે તેઓ ઉપરોક્ત ફેરફારોને ધ્યાનમાં રાખીને તેમની મુસાફરી શરૂ કરે અને ટ્રેનોના સંચાલનને લગતા નવીનતમ અપડેટ્સ માટે www.enquiry.indianrail.gov.in ની મુલાકાત લો જેથી કરીને કોઈ અસુવિધા ન થાય.
