ચંદ્રયાન-3ની સફળતા બાદ કર્ણાટકમાં બે યુગલોએ તેમના નવજાત બાળકોના નામ પ્રજ્ઞાન અને વિક્રમ રાખ્યા છે.
ભારતના મહત્વાકાંક્ષી અવકાશ મિશન ચંદ્રયાન-3ને 23 ઓગસ્ટના રોજ સફળતા મળી હતી. આ સાથે, ભારત ચંદ્ર પર સફળતાપૂર્વક ઉતરાણ કરનાર ચોથો દેશ બની ગયો છે અને હવે ચંદ્રના દક્ષિણ ધ્રુવ ક્ષેત્રમાં પગ મૂકનાર પ્રથમ દેશ બનવાનો રેકોર્ડ ધરાવે છે.
હવે, કર્ણાટકના યાદગીર જિલ્લામાં બે યુગલોએ આ ઐતિહાસિક સફળતાની યાદમાં તેમના નવજાત બાળકોના નામ ચંદ્રયાન-3ના પ્રજ્ઞાન રોવર અને વિક્રમ લેન્ડરના નામ પરથી રાખ્યા છે.
ચંદ્રયાન-3ના સફળ પ્રક્ષેપણ પછી તરત જ એક જ પરિવારમાં બે બાળકોનો જન્મ થયો હતો. આ દંપતી યાદગીરના વડગેરા નગરના રહેવાસી છે. બલપ્પા અને નાગમાના બાળકનો જન્મ 28 જુલાઈએ થયો હતો અને તેનું નામ વિક્રમ રાખવામાં આવ્યું હતું, જ્યારે નિંગપ્પા અને શિવમ્માના બાળકનો જન્મ 14 ઓગસ્ટે થયો હતો અને તેનું નામ પ્રજ્ઞાન રાખવામાં આવ્યું હતું. ઇસરોએ ચંદ્ર મિશનની સફળતાની જાહેરાત કર્યાના એક દિવસ પછી 24 ઓગસ્ટના રોજ બંને બાળકોના નામકરણની વિધિ એક જ દિવસે યોજાઇ હતી.
“અમે અમારા નવજાત બાળકોનું નામ વિક્રમ અને પ્રજ્ઞાન રાખીને ચંદ્ર મિશનની સફળતાની ઉજવણી કરી હતી.”
એ જ રીતે, ઓડિશાના કેન્દ્રપારા જિલ્લામાં જન્મેલા કેટલાક બાળકોનું નામ પણ ભારતના ચંદ્ર મિશનના નામ પરથી રાખવામાં આવ્યું હતું. વિક્રમના ચંદ્ર પર સફળ ઉતરાણના એક દિવસ પછી 24 ઓગસ્ટના રોજ કેન્દ્રપાડાની જિલ્લા હોસ્પિટલમાં કુલ ત્રણ છોકરાઓ અને એક છોકરીનો જન્મ થયો હતો. ઈન્ડિયા ટુડેના એક અહેવાલ મુજબ, આ નવજાત બાળકોના તમામ માતા-પિતાએ તેમના બાળકોનું નામ ચંદ્રયાન રાખવાનો નિર્ણય કર્યો છે.
એક બાળકના પિતા પ્રવત મલિકે કહ્યું, “તે બેવડી ખુશીની વાત હતી. ચંદ્ર પર ચંદ્રયાન-3ના સફળ ઉતરાણની થોડી જ મિનિટો બાદ અમારા બાળકનો જન્મ થયો હતો. અમે બાળકનું નામ ચંદ્ર મિશન પર રાખવાનું નક્કી કર્યું છે.” ,
સ્થાનિક પરંપરા અનુસાર, નવજાત શિશુનું નામ નમકરણ સંસ્કાર દરમિયાન રાખવામાં આવે છે જે જન્મ પછીના 21મા દિવસે યોજાય છે.
