કૃષિ વિજ્ઞાન કેન્દ્ર, જુનાગઢ કૃષિ યુનિવર્સિટી, નાના કાંધાસર ખાતે ટેકનોલોજી વીકની ઉજવણી અંગેનો કાર્યક્રમ યોજવામાં આવેલ હતો. આ પ્રસંગે કૃષિ યુનિવર્સિટી જુનાગઢના વિસ્તરણ શિક્ષણ નિયામકશ્રી ડો. પી. વી. પટેલે સહભાગી ભાઇ- બહેનોને કૃષિ અને પશુપાલન ક્ષેત્રે બાહર પાડવામા આવેલ નવીનતમ ટેક્નોલોજી વહેલી તકે અપનાવી ઓછા અને અનિયમિત વરસાદની પરિસ્થિતિના સમયે મહત્તમ ખેત ઉત્પાદન મેળવવા માટે ટપક સિંચાઈ પધ્ધતિથી પાણીના કરકસર ભર્યા ઉપયોગ કરવા અને ખેતીમાં રાસાયણીક ખાતરનો ઉપયોગ ઘટાડી વધારે પ્રમાણમાં જૈવિક ખાતરનો ઉપયોગ કરવા હિમાયત કરી હતી. કૃષિ વિજ્ઞાન કેન્દ્ર, ખેતીવાડી વિભાગ તથા અન્ય વિભાગોના સંપર્કમા રહેવા ખાસ હિમાયત કરેલ.
