સરકારના પરિપત્રનો પણ શાળાઓ પાલન કરતી નથી જે ખૂબ જ ચિંતાજનક બાબત: ઉચ્ચ અદલાતનું અવલોકન
ગુજરાત હાઈકોર્ટે ગુરુવારે રાજ્ય સરકારને જણાવ્યું હતું કે, પ્રાથમિક શાળાઓમાં ગુજરાતી ભાષાના ફરજિયાત શિક્ષણ માટેના પરિપત્રનું પાલન ન કરવા અંગે ચિંતિત છે અને કેન્દ્રીય બોર્ડ સાથે સંલગ્ન શાળાને પરવાનગી આપતી વખતે મૂકવામાં આવેલા રાઈડર્સ અને મંજૂરીઓની વિગતો માંગી છે.
રાજ્યની તમામ પ્રાથમિક શાળાઓમાં ગુજરાતી ભણાવવાને ફરજિયાત બનાવવાના વર્ષ ૨૦૧૮ના પરિપત્રના યોગ્ય અમલીકરણ માટે રાજ્ય સરકારને હાઇકોર્ટના નિર્દેશોની માંગ કરતી પીઆઈએલની સુનાવણી દરમિયાન રાજ્ય સરકારે અરજદાર માતૃભાષા અભિયાન દ્વારા કેન્દ્રીય બોર્ડ સાથે જોડાયેલી ૪૫૦૦ શાળાઓ પૈકી ૨૩ શાળાઓ માતૃભાષાનો અભ્યાસ કરાવતી નથી. રાજ્ય સરકારે આ મામલે ૨૩ શાળાઓને નોટીસ ફટકારી છે.
જસ્ટિસ સોનિયા ગોકાણી અને જસ્ટિસ સંદીપ ભટ્ટની ખંડપીઠે કહ્યું કે, અમે તમારા પોતાના પરિપત્રનું પાલન ન થવાને લઈને વધુ ચિંતિત છીએ… બધા જ તે ભાષા વિશે ચિંતિત છે જે આપણી સંસ્કૃતિનું વાહન છે.
હાઈકોર્ટે નીતિના અમલીકરણ પર ભાર મૂક્યો અને કહ્યું કે, સંખ્યામાં ફસાઈ જવાને બદલે, ત્યાં કેટલીક કડક પદ્ધતિ હોવી જોઈએ જ્યાં સ્પષ્ટ સંદેશો જવો જોઈએ કે જો તેઓ (શાળાઓ) તેનું પાલન નહીં કરે તો દંડનીય કાર્યવાહી કરવામાં આવશે. જો તમને કોઈ મુશ્કેલી જણાય તો, કૃપા કરીને કોર્ટને જણાવો.
હાઇકોર્ટે રાજ્ય સરકારને તેનું ‘નો ઓબ્જેક્શન સર્ટિફિકેટ’ આપવાનો આદેશ આપ્યો હતો, જે તે કેન્દ્રીય બોર્ડ સાથે સંલગ્ન શાળાઓને ગુજરાતમાં કાર્યરત કરવા સક્ષમ બનાવવા માટે જારી કરે છે. જો શાળાઓ માતૃભાષાના અભ્યાસ માટે સંમત થાય તો સ્થાનિક ભાષા શીખવવા માટે ફરજિયાત પાલન ન કરવાનું કોઈ કારણ હોવું જોઈએ નહીં.
રાજ્ય સરકાર દ્વારા એવી આશંકા વ્યક્ત કરવામાં આવી હતી કે કેન્દ્ર સરકાર અને સંરક્ષણ સંસ્થાન દ્વારા સંચાલિત શાળાઓ તેના ફરજિયાત ગુજરાતી આદેશનું પાલન ન કરી શકે અને તેના અધિકારક્ષેત્રની પણ મર્યાદા હશે તેવી આશંકા વ્યક્ત કર્યા પછી હાઇકોર્ટએ આ વિગતો માંગી હતી.
કોર્ટે કહ્યું, તમારી એનઓસી કઈ શરત સાથે આપવામાં આવે છે તે અમને આપો. જો રાજ્યના પરિપત્રનું પાલન ન થાય તો શું? તમે શું કરી શકો? આ અંગેની વધુ સુનાવણી શુક્રવાર પર રાખવામાં આવી છે.
