રેલવેમાં નોકરી અપાવવાના બદલામાં જમીન મેળવવાના કૌભાંડમાં સીબીઆઇર લાલુના ઘરે પહોંચી શરૂ કરી પૂછપરછ
સીબીઆઈની ટીમ આજે બિહારના પૂર્વ મુખ્યમંત્રી રાબડી દેવીના ઘરે પહોંચી હતી. સીબીઆઈ રાબડી દેવીની પૂછપરછ કરી રહી છે. આઈઆરસિટીસી કૌભાંડ એટલે કે જમીનના બદલામાં રેલવેમાં નોકરી આપવાના મામલામાં તપાસ એજન્સીએ તેઓની પુછપુરછ કરી છે.
અગાઉ, આઈઆરસિટીસી કૌભાંડ કેસમાં, કોર્ટે લાલુ યાદવ, રાબડી દેવી, મીસા ભારતી સહિત 14 આરોપીઓને સમન્સ જારી કર્યા છે અને તેમને 15 માર્ચે કોર્ટમાં હાજર થવા જણાવ્યું છે. આ સમન્સ એવા સમયે જારી કરવામાં આવ્યું છે જ્યારે લાલુ હાલમાં જ કિડની ટ્રાન્સપ્લાન્ટ કરાવીને સિંગાપોરથી સ્વદેશ પરત ફર્યા છે.
સીબીઆઈ રેલવેમાં નોકરીના બદલામાં લાંચ માટે જમીન લેવાના આરોપોની તપાસ કરી રહી છે. એજન્સીએ આ કેસમાં ચાર્જશીટ પણ દાખલ કરી છે. આ કેસમાં લાલુ યાદવના નજીકના અને પૂર્વ ધારાસભ્ય ભોલા યાદવ અને હૃદયાનંદ ચૌધરી પણ આરોપી છે. આરજેડી નેતા લાલુ યાદવના ઓએસડી ભોલા યાદવની સીબીઆઈ દ્વારા 27 જુલાઈએ ધરપકડ કરવામાં આવી હતી. ભોલા 2004 થી 2009 વચ્ચે તત્કાલીન રેલ્વે મંત્રી લાલુ પ્રસાદ યાદવના ઓએસડી હતા.ચાર્જશીટ દાખલ થયા બાદ તેની નોંધ લેતા, રાઉઝ એવન્યુ કોર્ટે કુલ 14 લોકોને સમન્સ મોકલ્યા છે. 15 માર્ચે કોર્ટ તમામ આરોપીઓની પૂછપરછ શરૂ કરશે.
નોકરી કૌભાંડ તે સમયનું છે જ્યારે લાલુ યાદવ રેલવે મંત્રી હતા. એવો દાવો કરવામાં આવે છે કે લાલુ યાદવે રેલવે મંત્રી હતા ત્યારે રેલવેમાં નોકરી આપવાના બદલામાં લોકો પાસેથી જમીન લીધી હતી. લાલુ યાદવ 2004 થી 2009 સુધી રેલ્વે મંત્રી હતા. 18 મેના રોજ સીબીઆઈએ આ મામલે કેસ નોંધ્યો હતો. સીબીઆઈના જણાવ્યા અનુસાર, લોકોને પહેલા રેલ્વેમાં ગ્રુપ ડીની પોસ્ટમાં અવેજી તરીકે ભરતી કરવામાં આવી હતી અને જ્યારે તેમના પરિવારોએ જમીનનો સોદો કર્યો ત્યારે તેમને નિયમિત કરવામાં આવ્યા હતા.
સીબીઆઈનું કહેવું છે કે લાલુ યાદવના પરિવારે પટનામાં 1.05 લાખ ચોરસ ફૂટ જમીન પર કથિત રીતે કબ્જો કર્યો છે. આ જમીનોનો સોદો રોકડમાં થયો હતો. એટલે કે લાલુ પરિવારે રોકડ ચૂકવીને આ જમીનો ખરીદી હતી. સીબીઆઈના જણાવ્યા અનુસાર આ જમીનો ખૂબ જ ઓછી કિંમતે વેચવામાં આવી હતી.
